Abalamuzi 7:21 - Baibuli Ekibono kya Katonda 2014

²¹ Kiisi muntu yaayemerera mu kifo kye okwezunguluza ekifo ekyo aghaasimbibwa weema. Ab'eigye lyonalyona ery'omuzigu baalumuka nga baasiikana.

Abalamuzi 7:21 ပူးပေါင်းရင်းမြစ်များ

1 Bakyabazinga 20:20

Era buli muntu ku beene, yaita omuntu ye yalwana naye. Abasiria baalumuka, era Abaisiraeli baababingirira. Aye Benihadadi kyabazinga wa Siria yaawona ng'alumukira ku mbalaasi, ghalala n'ab'eigye lye ab'oku mbalaasi.

2 Ebyomubyanda 20:15

Yahazieli oyo yaakoba ati: “Isebantu kyabazinga Yehoshafati, n'imwe mwenamwena abantu ab'omu Buyudaaya ni mu Yerusalemu, muwulirise: Musengwa Katonda akoba ati, mutatya, era eigye lino einene litabamalamu maani, kuba olutalo luno ti niimwe mwidha okululwana, aye Katonda mwene n'aidha okululwana.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

Okuvaayo 14:25

Yaaleetera enkede edh'ebigaali byaibwe eby'omu lutalo okwesiba, byaloba kutambula bukalamu. Abamisiri baakoba bati: “Musengwa Katonda ali kulwaniragho Abaisiraeli. Mukole tuve ghano tubalumuke.”

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Isaia 30:15

Musengwa Katonda Omutukuvu wa Isiraeli, akoba ati: “Mwire ye ndi mugumire ku nze, ndidha kubalokola; mwewombeeke era muneesige, ndidha kubagha amaani.” Aye imwe mwaloba okukola ekyo.

Isaia 30:7

Obuyambi ensi Misiri bw'ebagha buzira kye bubaganhula waire okubagasa. Kyenviire ntuuma Misiri eyo eriina, ‘Ogusota Rahabu ogutamoodha.’ ” Agho Katonda yankoba ati:

Abaheburayi 11:34

baazikiza omuliro ogw'amaani, era baawona okwitibwa n'empiima. Baafuna amaani okuva mu bunafu, baafuuka balwani ba ntalo abaziramu ntete, era baabinga amagye ag'abavaghala,

Abalamuzi 7:20

N'ebikunsu bire ebindi ebibiri byakola bityo. Boonaboona baagema engada edhiri kwaka mu mikono gyaibwe emigooda, n'amagwala mu mikono gyaibwe emisaadha. Era baayasiikana bati: “Empiima ya Musengwa Katonda era ya Gideoni!”