Abalamuzi 7:20 - Baibuli Ekibono kya Katonda 2014

²⁰ N'ebikunsu bire ebindi ebibiri byakola bityo. Boonaboona baagema engada edhiri kwaka mu mikono gyaibwe emigooda, n'amagwala mu mikono gyaibwe emisaadha. Era baayasiikana bati: “Empiima ya Musengwa Katonda era ya Gideoni!”

Abalamuzi 7:20 ပူးပေါင်းရင်းမြစ်များ

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Yeremia 47:6

Mulirira amaziga muti, ‘Wo empiima ya Musengwa Katonda iwe! Olirekera li okuja ng'osaagha? Irayo mu kiruutu kyo osigale omwo owuumule!’

1 Ab'e Korintho 15:52

mu kaseera akatonioli ng'oti kutemya na kuzibula. Endeka bw'erivuga n'abafu balizuukizibwa nga tibakairayo kufa kabiri, olwo ife twafuuka bufuuke.

2 Ab'e Korintho 4:7

Aye ife abali oti nsugha dha itosi, niife abali n'obukombe buno, kino kisobole okwoleka ng'amaani amabitirivu ag'Amawulire Amalungi bwe gali aga Katonda se ti agaife.

1 Ab'e Thessalonika 4:16

Musengwa mwene aliika ng'ava mu igulu, ekiragiro kyawulirwa mu iroboozi ery'amaani, isebamalaika yaayeta era endeka ya Katonda yaavuga. Abo abaafa nga baikiriza mu Kurisito n'abalisooka okuzuukira,

Abaheburayi 11:4

Okwikiriza n'okwasobozesa Abeli okughaayo ye Katonda omusengo omukalamu ogusinga ogwa Kaini, era mwe yabita Katonda okumubala okuba omutuufu, kuba Katonda yasiima ebirabo bye. Era olw'okwikiriza kwe waire yafa, akaayogera.

Yoshua 6:16

Era ku mukuzi ogwomusanvu, bakabona bwe baafuuwa endeka, Yoshua yaalagira abantu ati: “Muleekaane! Kuba Musengwa Katonda abaghaire ekibuga kino.

Yoshua 6:20

Kale bakabona baafuuwa endeka. Era abantu olwawulira endeka baaleekaana inho n'amaani, ebimante ebyali byezungulwire ekibuga byagwa byonabyona ku itaka. Olwo abantu bangira mu kibuga butereevu okuva buli muntu ghe yali, baakigema.

Yoshua 6:4

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.

2 Petero 1:15

Ndidha kukola kyonakyona kye mpanga okubona nga ni bwe ndifa, ghalibaagho ekinaabaidhusanga ebintu bino ekiseera kyonakyona.

Abalamuzi 7:19

Agho Gideoni n'abasaadha kikumi abaali naye, baatuuka ku mbali kw'ekifo aghaasimbibwa weema. Baatuukayo agho kumpi mu bwire ghagati, ng'abakuumi baakamalanga okukyusibwa. Agho baafuuwa amagwala gaibwe, era baamenha n'ensuwa dhe baali bagemye.

Abalamuzi 7:21

Kiisi muntu yaayemerera mu kifo kye okwezunguluza ekifo ekyo aghaasimbibwa weema. Ab'eigye lyonalyona ery'omuzigu baalumuka nga baasiikana.

1 Samueli 11:11

Agho ku lunaku olwairirira, Saulo yaagabaniamu abantu be mu bikunsu bisatu. Baalumba Abammoni mu kifo ghe baasimba weema dhaibwe, baabaita okutuusa mu kasana ghagati. Abaawonagho baalumuka, nga buli muntu ali ku lulwe aghazira kusigala na mwine.