Abalamuzi 7:16 - Baibuli Ekibono kya Katonda 2014

¹⁶ Agho yaagabaniamu abasaadha be ebikumi ebisatu (300) mu bikunsu bisatu. Kiisi musaadha yaamugemya eigwala n'ensuwa enkalu, ng'erimu engada edhiri kwaka.

Abalamuzi 7:16 ပူးပေါင်းရင်းမြစ်များ

Amainhama 14:15

Yaayawula amagye ge mu bikunsu, baalumba abazigu obwire era baabaghangula. Era baababingirira okubatuusa e Hoba, ekiri ku luuyi olw'omukono omugooda ng'olingiriire e buvandhuba, bw'oba ng'oli e Damasiko.

2 Samueli 18:2

Yagabaniamu eigye mu bikunsu bisatu nga byagayaga: ekikunsu ekirala ku ebyo nga kiduumirwa Yoabu, ekindi kyaduumirwa Abishai mutabane wa Zeruia era muganda wa Yoabu, ate ekindi kyaduumirwa Ittai Omugitti. Era kyabazinga Daudi yaakoba abantu ati: “Ninze mwene zeena ndidha kuja n'imwe.”

2 Ab'e Korintho 4:7

Aye ife abali oti nsugha dha itosi, niife abali n'obukombe buno, kino kisobole okwoleka ng'amaani amabitirivu ag'Amawulire Amalungi bwe gali aga Katonda se ti agaife.

Abalamuzi 7:15

Gideoni bwe yawulira ekirooto ky'omusaadha oyo n'amakulu gaakyo, yaasinza Katonda. Era yairayo ku weema dh'Abaisiraeli, yaabakoba ati: “Musituke! Musengwa Katonda abaghaire okughangula eigye ly'e Midia.”

Abalamuzi 7:17

Yaabakoba ati: “Bwe nnaatuuka ku mbali kw'ekifo aghasimbiibwa weema, mwidha kuuningirira. Kye nnaakola, mwena kye mwidha okukola.

1 Samueli 11:11

Agho ku lunaku olwairirira, Saulo yaagabaniamu abantu be mu bikunsu bisatu. Baalumba Abammoni mu kifo ghe baasimba weema dhaibwe, baabaita okutuusa mu kasana ghagati. Abaawonagho baalumuka, nga buli muntu ali ku lulwe aghazira kusigala na mwine.