Abalamuzi 7:14 - Baibuli Ekibono kya Katonda 2014

¹⁴ Mwine yaamwiramu ati: “Eyo n'empiima ya Gideoni, mutabane wa Yoashi, Omuisiraeli! Ghazira kindi kabiri ekyo kye kisobola kutegeeza. Katonda amughaire okughangula ensi Midia n'eigye lyaife lyonalyona.”

Abalamuzi 7:14 ပူးပေါင်းရင်းမြစ်များ

Yobu 1:10

Wamukolera olukomera okumwezunguluza mwene n'amaka ge, n'ebibye byonabyona by'ali nabyo. By'akola byonabyona obigha enkabi, n'obukombe bwe, bweyongeire obungi mu nsi.

Okubala 22:38

Balaamu yairamu Balaki ati: “Buti ndidhie. Aye obwo odhuuba oti ndi n'obukumu okuba ni kye ndhogera? Ekyo kyonka Katonda ky'andagira, kye nteekwa okwogera.”

Okubala 23:20

Bona eno, Katonda yandagira okusabira abantu enkabi. Kale Katonda bw'agha enkabi, nze ekyo ti kikyusaamu naire.

Okubala 23:5

Agho Musengwa Katonda yaalagira Balaamu by'anaayogera, era yaamukoba ati: “Irayo ye Balaki oyogere otyo.”

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 2:9

Yaabakoba ati: “Ndidhi nga Musengwa Katonda yabagha ensi eno era twenatwena tubatya emyoyo gyaife gyatweghanika ira.

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.

Abalamuzi 3:28

Yaabakoba ati: “Munnonereze, Musengwa Katonda abaghaire okughangula abazigu baimwe Abamoabu.” Agho baamunonereza, baaserengeta, baagema ekifo Abamoabu ghe baali ab'okusomokera omwiga Yorudani, baaloba kuganha muntu waire omulala okusomoka.

Abalamuzi 7:13

Gideoni bwe yatuukayo, yaawulira omusaadha ng'ali kukobera mwine ekirooto, ati: “Naloose omugaati gwa sayiri nga guli kugwa mu kifo Abamidia ghe basimbye weema dhaibwe. Gwatuuka ku weema gwagikuba yaagwa, yaagalaamirira era yeeyala ku itaka.”

Abalamuzi 7:15

Gideoni bwe yawulira ekirooto ky'omusaadha oyo n'amakulu gaakyo, yaasinza Katonda. Era yairayo ku weema dh'Abaisiraeli, yaabakoba ati: “Musituke! Musengwa Katonda abaghaire okughangula eigye ly'e Midia.”

1 Samueli 14:12

Agho baayeta Yonathani n'ole eyamugemeranga eby'okulwanisa nga bakoba bati: “Mwidhe eno ye tuli ghaligho kye twidha okubooleka.” Yonathani yaakoba eyamugemeranga eby'okulwanisa ati: “Nnonereza, kuba Musengwa Katonda abagabwire mu ngalo dha Isiraeli.”