Abalamuzi 7:13 - Baibuli Ekibono kya Katonda 2014

¹³ Gideoni bwe yatuukayo, yaawulira omusaadha ng'ali kukobera mwine ekirooto, ati: “Naloose omugaati gwa sayiri nga guli kugwa mu kifo Abamidia ghe basimbye weema dhaibwe. Gwatuuka ku weema gwagikuba yaagwa, yaagalaamirira era yeeyala ku itaka.”

Abalamuzi 7:13 ပူးပေါင်းရင်းမြစ်များ

1 Ab'e Korintho 1:27

Katonda yasalagho okulonda abo ensi b'etwala nga basiru, aswaze abagezi. Era yaalonda abo ensi b'etwala okuba abanafu, aswaze ab'amaani.

Abalamuzi 3:15

Aye Abaisiraeli bwe baalirira Musengwa Katonda, Musengwa Katonda oyo yaabateeragho omuntu eyabanunula, nga ni Ehudi mutabane wa Gera, ow'omu kika kya Benjamini. Ehudi oyo yali wa igooda. Agho Abaisiraeli baatuma Ehudi oyo okutwala ebirabo ye kyabazinga Eguloni ow'e Moabu.

Abalamuzi 3:31

Omukulembeze eyairaku, yali ng'ayetebwa Shamugari, nga mutabane wa Anathi. Yeena yanunula Isiraeli bwe yaita Abafilisiti olukaaga (600) ng'akozesa oluti olusongovu lwe bakozesa okusindiikiriza ente okutambula.

Abalamuzi 4:21

Aye Yaeli yaagema enkondo ey'eweema n'enhundo, yaaseeta y'ali ng'adhooma, yaamukomerera enkondo eyo mu kyeni, yabitamu yaatuuka ni ku itaka. Mu nsambo eyo Sisera yaafa.

Abalamuzi 4:9

Debora yaamwiramu ati: “Bwenebwene ndidha kuja n'iwe. Aye ekitiibwa eky'obughanguzi tikiidha kuba kikyo, kuba Musengwa Katonda aidha kughaayo Sisera aghangulwe omukazi.” Agho Debora yaasituka, yaaja ni Baraki e Kedeshi.

Abalamuzi 6:15

Gideoni yaamukoba ati: “Wo Musengwa Katonda, nkweghembye ka mbuzeeku: Isiraeli nnaamununula ntya? Ekika kyange n'ekisingayo obunafu mu lulyo lwa Manasse, ate nze, ninze nsembayo obuto mu ndhu ya lata.”

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.

Abalamuzi 7:14

Mwine yaamwiramu ati: “Eyo n'empiima ya Gideoni, mutabane wa Yoashi, Omuisiraeli! Ghazira kindi kabiri ekyo kye kisobola kutegeeza. Katonda amughaire okughangula ensi Midia n'eigye lyaife lyonalyona.”

Abalamuzi 8:10

Zeba ni Zalumunna baali nga bali mu Karikori n'eigye lyaibwe. Ku igye eryo lyonalyona ery'abantu ab'e buvandhuba, kwali nga kukaasigaireku abalwani omutwalo mulala n'enkumi itaanu (15,000). Abalwani emitwalo ikumi n'ebiri (120,000) baali nga bamaze okwitibwa.