Abalamuzi 6:8 - Baibuli Ekibono kya Katonda 2014

⁸ Era Musengwa Katonda yaatuma omulanzi ye bali, yaabakoba ati: “Musengwa Katonda, Katonda wa Isiraeli akoba ati, ‘Nabatoola mu Misiri ye mwali mufugirwa obwiru,

Abalamuzi 6:8 ပူးပေါင်းရင်းမြစ်များ

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

Zabbuli 106:44

Aye waire nga beebisa batyo, tiyabatoolaku mwoyo. Bwebaalira yabafaaku.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Abalamuzi 6:7

Agho Abaisiraeli baalirira Musengwa Katonda abayambe olw'Abamidia abo.

Abalamuzi 6:9

naabawonia Abamisiri abo. Era naabawonia n'abo boonaboona abaabakiriganga mu nsi eno mwe muli. Abo naababingamu nga imwe muli kumpi okutuuka, ensi yaibwe naagigha imwe.

1 Samueli 10:18

Yaakoba Abaisiraeli ati: “Musengwa Katonda, Katonda wa Isiraeli akoba ati, ‘Nabatoola e Misiri naabawonia Abamisiri okubatuntuza, era naabawonia n'amaghanga agandi goonagoona agaabanhigirizanga.