Abalamuzi 6:5 - Baibuli Ekibono kya Katonda 2014

⁵ Baidhanga n'ente dhaibwe, n'egamiya dhaibwe, n'eweema dhaibwe, nga bangi ng'oti nzige. Beene ghalala n'engamiya dhaibwe nga tibabalika olw'obungi. Agho baaja nga bazikiriza ensi eyo buli ghe baabitanga.

Abalamuzi 6:5 ပူးပေါင်းရင်းမြစ်များ

Olwembo 1:5

Imwe abaghala ab'e Yerusalemu, nze ndi mwirugavu aye mboneka bulungi, ng'oti ni weema edh'e Kedari era ng'oti n'ensuubo edh'omu kisaagaati kya Kyabazinga Solomoni.

Isaia 13:20

Tikiriiramu kabiri kubaamu bantu. Tighalibaagho Muwarabu asimbayo weema, waire okubaagho omwayi ayayirayo ebyayo bye.

Isaia 60:6

Engamiya olukunkumuli dhiriidhula mu iwe nga dhiva mu Midia ni mu Efa, era dhaava ni mu Sheba, nga dhiri kuleeta zaabu n'obubbaani. Abantu balirangirira ebirungi Musengwa Katonda by'akoze.

Yeremia 46:23

baatema ekibira kya Misiri, waire nga kizibirivu inho. Kuba eigye ery'abazigu abo lirimu abalwani kamaala inho abatabalika, abasinga n'enzige obungi.

Yeremia 49:29

Munhage weema dhaibwe, n'ensuubo dhaamu, n'ebirimu byonabyona. Mutwale ebyayo byaibwe n'engamiya dhaibwe. Era mukobere abantu muti, ‘Buli ghantu ghali ntiisa ndhereere!’

Yeremia 49:32

“Munhage engamiya dhaibwe n'ebyayo byaibwe byonabyona. Abantu abo abasala ku nviiri dhaibwe, ndibasansaaniza mu ndhuyi dhoonadhoona. Era ndibatuusaaku akabi nga kava mu ndhuyi dhoonadhoona.

Yeremia 51:14

Musengwa Katonda Afuga Amagye yeerayiriire mwene ati alireeta abantu kamaala inho ng'oti kikuukuulu kya nzige, baalumba Babilonia. Era balyasiikana n'eisanhu nga baghangwire.

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.

Abalamuzi 8:10

Zeba ni Zalumunna baali nga bali mu Karikori n'eigye lyaibwe. Ku igye eryo lyonalyona ery'abantu ab'e buvandhuba, kwali nga kukaasigaireku abalwani omutwalo mulala n'enkumi itaanu (15,000). Abalwani emitwalo ikumi n'ebiri (120,000) baali nga bamaze okwitibwa.

Abalamuzi 8:21

Agho Zeba ni Zalumunna baakoba Gideoni bati: “Iwe mwene, niiwe obe otwite, kuba ekikolwa ng'oti n'ekyo, kikolebwa musaadha!” Gideoni yaasituka, yaita Zeba ni Zalumunna era yaatwala ebyamadholobera ebyali mu nkoto dh'engamiya dhaibwe, nga byakolebwa mu kifaananie ekiri ng'oti mwezi nga gwakaboneka.

1 Samueli 30:17

Agho nga buli kuziba, Daudi yaabalumba yaabalwanisa okutuusa eigulo ery'olunaku olwairirira. Ghazira yawonagho okutoolaku abaisuka ebikumi ebina (400) abaaniina engamiya ni balumukagho.