Abalamuzi 6:39 - Baibuli Ekibono kya Katonda 2014

³⁹ Agho Gideoni yaakoba Katonda ati: “Wo Katonda wange, otansungughalira. Aye leka ndhogereyo kabiri omukuzi mulala gwonka. Ganha ngezese kabiri obuviiri bw'entaama omukuzi mulala gwonka. Ku mukuzi guno, leka obuviiri bw'entaama bube bukalu, aye eitaka libe nga n'eriboze n'omusulo.”

Abalamuzi 6:39 ပူးပေါင်းရင်းမြစ်များ

Amainhama 18:30

Aburahamu yaakoba ati: “Wo Musengwa Katonda otansungughalira, ndidha kwogera kabiri: Aye bwe kiba nga eriyo makumi asatu?” Musengwa Katonda yairamu ati: “Tiidha kukizikiriza bwe nnaayagaanayo amakumi asatu.”

Amainhama 18:32

Aburahamu yaakoba ati: “Wo Musengwa, otansungughalira, ndidha kwogera mukuzi guno gwonka. Aye bwe kiba ng'eriyo ikumi bonka?” Musengwa yairamu ati: “Tiidha kukizikiriza olw'abatuufu eikumi abo.”

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Matayo 21:43

“Kale ni ka mbakobere: Obwakyabazinga bwa Katonda bulibatoolebwaku bwagheebwa eighanga eryama ebibala byabwo. [

Matayo 8:12

aye abaana ab'omu Bwakyabazinga balibingirwa ku luya mu kizikiiza, omuliba okugegenga n'okuluma emba olw'obulumi obubitirivu.”

Ebikolwa by'Abatume 13:46

Aye Paulo ni Barunaba, baayogera nga bagumu, baakoba bati: “Kibaire kigwaine okusooka okukobera imwe ekibono kya Katonda. Aye nga bwe mukirobye era ni mwesaliragho beene nga bwe mutagwaine kufuna bulamu obutawaagho, kale twidha kubaleka tuje y'abamaghanga agandi

Ebikolwa by'Abatume 22:21

Yankoba ati, ‘Ja kuba ndidha kukutuma eghala mu bamaghanga agandi.’ ”

Ebikolwa by'Abatume 28:28

“Kale mukimanhe ng'obulokozi bwa Katonda buno bugheerezeibwa mu b'amaghanga agandi. Abo baliwulirisa.” [

Abalamuzi 6:38

Era kityo bwe kyali. Gideoni bwe yazuuka ku nkyo, yaakamula omusulo ogwali mu buviiri bw'entaama, mwavaamu amaadhi agamala okwidhuza n'ekibya ekiramba.

Abalamuzi 6:40

Obwire obwo, Katonda yaakola atyo. Ku nkyo, obuviiri bw'entaama bwonka n'obwali obukalu, aye eitaka lyonalyona lyaba nga n'eriboze n'omusulo.