Abalamuzi 6:33 - Baibuli Ekibono kya Katonda 2014

³³ Agho Abamidia boonaboona, n'Abamaleki, n'abatyamye ab'e buvandhuba, beesoloza. Baasomoka omwiga Yorudani, baasimba weema dhaibwe mu kyetebwa Ekiiko ky'e Yezireeli.

Abalamuzi 6:33 ပူးပေါင်းရင်းမြစ်များ

Amainhama 29:1

Agho Yakobo yeeyongera okutambula, yaatuuka mu nsi y'abantu ab'e buvandhuba.

1 Bakyabazinga 18:45

Mu kaseera katono, eigulu lyazibirira n'ebire, empewo yaatoolera okukunta, amaadhi gaagwa ebitaloodheka. Ahabu yaaniina mu kigaali kye eky'omu lutalo, yaavuga yaaja e Yezireeli.

1 Bakyabazinga 21:1

Ebyo bwe byawa, ghaabaagho omusaadha Omuyezireeli ye baayetanga Nabothi, eyali n'eisamba ly'emizabbibu e Yezireeli okumpi n'ekisaagaati ky'Ahabu kyabazinga w'e Samaria.

1 Bakyabazinga 4:30

Amagezi ga Solomoni nga gasinga amagezi ag'abantu b'e buvandhuba n'ag'abagezi ab'e Misiri goonagoona.

1 Ebyomubyanda 5:19

Agho baaja baatanula olutalo ku Bahagari, ni ku Bayeturi, ni ku Banafishi, ni ku Banodabu.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Zabbuli 3:1

Wo Musengwa Katonda, abazigu ndi na kamaala! Abali kuneefuukira baja nga beeyongera!

Ezekieli 25:4

Kale ni ndibaghaayo mu ngalo edh'abantu ab'e buvandhuba baabaghangula, baasimba weema dhaibwe mu nsi yaimwe baagibaamu. Baliryanga ebibala era baanhwanga amata ebyandibaire ebyaimwe.

Hosea 1:5

Era mu kiseera ekyo, ndisaaniagho eby'okulwanisa bya Isiraeli mu kyetebwa Ekiiko ky'e Yezireeli.”

Yoshua 17:16

Baamukoba bati: “Bwenebwene ekiketezo eky'ensozi kitono inho tikitumala, aye Abakanaani ababa mu biketezo eby'oku museetwe e Bethi Shani n'ebyalo byakyo ebikyezungulwire n'abo ababa mu Kiiko ky'e Yezireeli, bali n'ebigaali eby'omu lutalo ebyakolebwa mu byuma.”

Yoshua 19:18

Era ekiketezo kye baafuna nga kizingiramu ebibuga bino: Yezireeli, Kesullothi, Shunemu,

Yoshua 3:16

amaadhi gaalekera okutambula, geebunga kumpi n'ekibuga Adamu ekiriiraine ekibuga Zarethani. Amaadhi agaali gaserengeta nga gaja mu Nhandha Eyomuunhu gaalekera agho, abantu baasobola okusomoka nga boolekeire Yeriko.

Abalamuzi 6:3

kuba Abaisiraeli buli lwe baamalanga okusiga, olwo nga Abamidia, n'Abamaleki, n'abatyamye ab'omu buvandhuba, beeyimba okwidha okubalumba.

Abalamuzi 7:1

Agho Yerubbaali, oyo nga ni Gideoni, n'abantu abaali naye boonaboona, baazuuka ku nkyo, baasimba weema dhaibwe kumpi n'akaiga akeetebwa Horidi. Weema edh'Abamidia nga dhibali ku luuyi olw'omukono omugooda olw'e buvandhuba, mu kiiko ekiri ku mbali kw'olusozi More.

Abalamuzi 7:24

Gideoni yaatuma abakwenda mu kiketezo kyonakyona ekya Efuraimu eky'ensozi, yaabakoba ati: “Muserengete ghansi mulwanise Abamidia. Muzingize, mugeme omwiga Yorudani n'ebiketezo ebindi eby'amaadhi okutuuka e Bethibara.” Kale ab'ekika kya Efuraimu baayetebwa, baidha baagema omwiga Yorudani n'ebiketezo ebindi eby'amaadhi.

Abalamuzi 7:8

Kale Gideoni yaasindika Abaisiraeli boonaboona bairayo ewaibwe, okutoolaku bale ebikumi ebisatu, be yasigala nabo, ni basigaza eby'okulya byonabyona n'amagwala. Weema edh'Abamidia dhaali nga dhibali ghansi mu kiiko.