Abalamuzi 6:32 - Baibuli Ekibono kya Katonda 2014

³² Okuva n'olwo, Gideoni yaatuumibwa eriina Yerubbaali, ekitegeeza kiti: “Baali yeewolereze mwene, kuba alutaari ye bamenhiegho yiye.”

Abalamuzi 6:32 ပူးပေါင်းရင်းမြစ်များ

2 Samueli 11:21

Naani eyaita Abimeleki mutabane wa Yerubbeshethi? Omukazi tiyali ku kimante memale n'amusuulaku enso ey'olubengo, n'afiira e Thebezi? Lwaki mwaseeta kumpi inho n'ekimante mutyo?’ Oidha kumukoba oti, ‘N'omugheereza wo Uria Omuhitti yeena bamwise.’ ”

Yeremia 11:13

Abantu b'omu Buyudaaya bali ni bakatonda kamaala, abaagayaga n'obungi bw'ebibuga byaibwe. N'abantu b'omu Yerusalemu baazimba alutaari edhaagayaga n'obungi bw'enguudo dh'omu kibuga omwo. Alutaari edho nga dha kuniokezaaku bubbaani eri omusambwa Baali ogwenhinhalwa.”

Hosea 9:10

Musengwa Katonda akoba ati: “Nayagaana ensi Isiraeli ng'oti n'ole bw'ayagaana emizabbibu egiri kukulira eyo mu irungu. Era naabona badhaadha baimwe ng'oti n'ole bw'abona ebibala eby'omutiini ebisooka okwenga mu mwaka. Aye bwe baatuuka ka lusozi Peori baatoolera okusinza omusambwa Baali, olwo baafuuka ekyenhinhalwa ng'oti n'omusambwa gwene ogwo gwe baasinzanga bwe gwali.

Abalamuzi 6:31

Aye Yoashi yaakoba abo boonaboona abaamulumba ati: “Obwo Baali ye muli kuwolereza? Oba ye muli kwenda okulwanirira? Kiisi ayenda okumuwolereza aidha kwitibwa nga bukaali na kukya. Oba nga Baali bwenebwene katonda, ka yeewolereze mwene, kuba alutaari ye bamenhiegho yiye.”

Abalamuzi 7:1

Agho Yerubbaali, oyo nga ni Gideoni, n'abantu abaali naye boonaboona, baazuuka ku nkyo, baasimba weema dhaibwe kumpi n'akaiga akeetebwa Horidi. Weema edh'Abamidia nga dhibali ku luuyi olw'omukono omugooda olw'e buvandhuba, mu kiiko ekiri ku mbali kw'olusozi More.

Abalamuzi 8:35

Era baaloba kuba basiimu naire y'ab'endhu ya Gideoni, olw'ebirungi byonabyona bye yakolera Isiraeli.

1 Samueli 12:11

Agho Musengwa Katonda yaatuma Yerubbaali, ni Baraki, ni Yefutha, ni Samueli, olwo yaajanga ng'awonia imwe abazigu baimwe ababeezungulwire, era mwaba mu miraala.