Abalamuzi 6:3 - Baibuli Ekibono kya Katonda 2014

³ kuba Abaisiraeli buli lwe baamalanga okusiga, olwo nga Abamidia, n'Abamaleki, n'abatyamye ab'omu buvandhuba, beeyimba okwidha okubalumba.

Abalamuzi 6:3 ပူးပေါင်းရင်းမြစ်များ

Amainhama 25:6

Aye Aburahamu oyo bweyali ng'akaali mulamu, yagha abaana be ab'abakazi ab'embali ebirabo. Yabasindika mu nsi ey'e buvandhuba, bave aghali omwana we oyo Isaaka.

Amainhama 29:1

Agho Yakobo yeeyongera okutambula, yaatuuka mu nsi y'abantu ab'e buvandhuba.

1 Bakyabazinga 20:27

N'Abaisiraeli boona baasolozebwa, baagheebwa ebikozesebwa, baaja okulwana n'Abasiria abo. Abaisiraeli baasimba weema dhaibwe nga balinzagainia nabo, nga bali ng'oti bwa bughaso bwa mbuzi bubiri obutono, aye Abasiria nga babunie woonawoona.

1 Bakyabazinga 4:30

Amagezi ga Solomoni nga gasinga amagezi ag'abantu b'e buvandhuba n'ag'abagezi ab'e Misiri goonagoona.

1 Bakyabazinga 5:10

Kale Hiramu yaagha Solomoni emiti gyonagyona, emivule n'emisipuressi gye yayenda.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Yobu 31:8

kale bye nsiga ka biriibwe abandi. Emere ye mbaza ka bagiighe bagisuule.

Okuvaayo 17:8

Agho Abamaleki baidha okulwana n'Abaisiraeli e Refidimu.

Isaia 11:14

Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Yeremia 49:28

Bino Musengwa Katonda bye yakoba ku kika kya Kedari ni ku biketezo ebifugibwa Hazori, kyabazinga Nebukadinezzari ow'e Babilonia bye yaghangula. Yakoba ati: “Muje mulumbe abantu ba Kedari, muzikirize ekika ekyo eky'abantu ab'e buvandhuba.

Ezekieli 25:3

Koba Abammoni bawulire nze Musengwa Katonda bye ndi kubakoba nti: Imwe mwasanhuka mwakoba muti, ‘Otyo, kirongoolo,’ eisinzizo lyange lwe baalyonoona, ensi Isiraeli ni bagizikiriza, n'Abayudaaya ni babatwala mu bunhage.

Ezekieli 25:4

Kale ni ndibaghaayo mu ngalo edh'abantu ab'e buvandhuba baabaghangula, baasimba weema dhaibwe mu nsi yaimwe baagibaamu. Baliryanga ebibala era baanhwanga amata ebyandibaire ebyaimwe.

Abalevi 26:16

ndibabonereza nti: ndireeta entiisa mu imwe. Omusuudha ogw'amaani n'endwaire edhitawonezeka biribatulughaza amaiso, byaleetera obulamu bwaimwe okuja nga buwaagho. Mulisiga ensigo aye tidhiribagasa, kuba abazigu baimwe balibaghangula baalya bye musize.

Mika 6:15

Mwidha kusiganga, aye nga timukungula, mukamule omuzigo mu bibala eby'emiti emyoliva, aye nga timughanga kugukozesa. Era mukunhe omwenge ogw'emizabbibu, aye gubaleme okunhwaku.

Amateeka Agokubiri 28:51

Balirya ensolo dhaimwe n'emere yaimwe ye mulimye, aghazira kubalekeragho ngaano, na mwenge gwa mizabbibu, na muzigo gwa bibala bya miti myoliva, oba ente, n'entaama, n'embuzi. Balikola batyo okutuusa lwe balibasaanizaagho irala.

Abalamuzi 10:12

n'Abasidoni, n'Abamaleki, n'Abamoani? Bwe mwandirira tyabawonia?

Abalamuzi 3:13

Eguloni yeeyimba n'Abammoni, n'Abamaleki, baaghangula Isiraeli, baagema ekibuga Yeriko, eky'emiti eminaazi.

Abalamuzi 6:2

Abamidia baasingira ghala Abaisiraeli amaani. Era olw'ekyo Abaisiraeli beesimira endungu edh'okwekwekamu mu nsozi, era beekwekanga mu mpuku ni mu bifo ebindi eby'okwewogomamu

Abalamuzi 6:33

Agho Abamidia boonaboona, n'Abamaleki, n'abatyamye ab'e buvandhuba, beesoloza. Baasomoka omwiga Yorudani, baasimba weema dhaibwe mu kyetebwa Ekiiko ky'e Yezireeli.

Abalamuzi 6:4

Baabaidhiranga, baasimbanga eyo ni weema dhaibwe, baazikirizanga ebirime byaibwe, okutuukira irala okumpi n'ekiketezo eky'e Gaza. Baaloba kulekangagho kya kulya kyonakyona mu Isiraeli, waire okulekagho entaama, ente, oba endogoyi.

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.

Abalamuzi 8:10

Zeba ni Zalumunna baali nga bali mu Karikori n'eigye lyaibwe. Ku igye eryo lyonalyona ery'abantu ab'e buvandhuba, kwali nga kukaasigaireku abalwani omutwalo mulala n'enkumi itaanu (15,000). Abalwani emitwalo ikumi n'ebiri (120,000) baali nga bamaze okwitibwa.