Abalamuzi 6:27 - Baibuli Ekibono kya Katonda 2014

²⁷ Kale Gideoni yaatwala abasaadha ikumi ku bagheereza be, yaakola nga Musengwa Katonda bwe yamulagira. Aye olw'okutya ab'endhu ya ise n'ab'omu kibuga, tiyaghanga kukikola musana, yaakikola bwire.

Abalamuzi 6:27 ပူးပေါင်းရင်းမြစ်များ

Zabbuli 112:5

Wa nkabi omuntu oyo omugabi era awola baine empiiya, n'akola buli kintu mu mazima.

Matayo 16:24

Agho Yesu yaakoba Abeegeresebwa be ati: “Oba nga ghaligho ayenda okuunonereza, alobe kwefaaku naire, abbeede omusalaba gwe annonereze

Yoanne 15:14

Bwe mukola bye mbalagira muba bakagwa bange.

Yoanne 2:5

Aye inhina yaakoba abagheereza ati: “Ky'abakoba kyonakyona kye mube mukole.”

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.

1 Ab'e Thessalonika 2:4

Aye nga Katonda bwe yatwesiga n'atugemya Amawulire Amalungi, era twena tugakobera abantu nga bw'ayenda. Titugezaaku kusiimya bantu aye tusiimya Katonda akebera emyoyo gyaife,

Abalamuzi 6:26

Olwo ozimbire Musengwa Katonda wo alutaari ghaigulu ku kigulumo kino, ng'okozesa amabaale agataanhiibwa obukalamu. Era, olwo otoole ente ere eyokubiri ogigheeyo ng'ekigheebwayo ekyokebwa, ng'ogyokesa enku edh'empagi ere eya Ashera y'otemyetemye.”

Abalamuzi 6:28

Abantu ab'omu kibuga bwe baazuuka enkyo ku nkyo, baaja okulinga bati nga babona alutaari ya Baali emenheibwagho, n'empagi ya Ashera egibaire ku mbali agho ng'etemeibwagho, nga n'ente enume eyokubiri eyokeirwa ku alutaari ezimbiibwagho.