Abalamuzi 6:26 - Baibuli Ekibono kya Katonda 2014

²⁶ Olwo ozimbire Musengwa Katonda wo alutaari ghaigulu ku kigulumo kino, ng'okozesa amabaale agataanhiibwa obukalamu. Era, olwo otoole ente ere eyokubiri ogigheeyo ng'ekigheebwayo ekyokebwa, ng'ogyokesa enku edh'empagi ere eya Ashera y'otemyetemye.”

Abalamuzi 6:26 ပူးပေါင်းရင်းမြစ်များ

2 Samueli 24:18

Ku lunaku lwene olwo Gadi yaidha yaakoba Daudi ati: “Ja mu kifo aghakubirwa engaano agha Arauna Omuyebusi ozimbire agho Musengwa Katonda alutaari.”

2 Samueli 24:22

Arauna yaakoba kyabazinga ati: “Niiwe Isebantu kyabazinga, toola kyonakyona ky'obona nga kirungi, okigheeyo. Ente dhiidho edh'okughaayo ng'ekigheebwayo ekyokebwa, n'ekiti ekibairenga kikozesebwa okumulungula engaano kiikyo, era n'emiti egibaire egy'ebikoligo by'ente, gikozese ng'enku.

Okuvaayo 34:13

Mu kifo eky'okukola nabo endagaano, mumenhemenhegho alutaari dhaibwe, n'ebituuti byaibwe eby'amabaale, era n'ebifaananie bya Ashera, omusambwa gwaibwe omukazi.

1 Ab'e Korintho 14:33

kuba Katonda tayenda tube mu kudoobaana, aye ayenda tube miraala, nga bwekiri mu Bikunsu eby'Abaikiriza mu Kurisito byonabyona.

1 Ab'e Korintho 14:40

Byonabyona bikolebwenga bukalamu era nga bisengeke.

Abalamuzi 6:25

Mu bwire obwo, malaika wa Musengwa Katonda yaakoba Gideoni ati: “Toola ente ya lata wo enume, n'ente eyindi enume ey'emyaka omusanvu, omenhemenhegho alutaari lata wo ye yazimbira Baali, era otemeteme n'empagi ya Ashera egiri ku mbali agho.

Abalamuzi 6:27

Kale Gideoni yaatwala abasaadha ikumi ku bagheereza be, yaakola nga Musengwa Katonda bwe yamulagira. Aye olw'okutya ab'endhu ya ise n'ab'omu kibuga, tiyaghanga kukikola musana, yaakikola bwire.

1 Samueli 6:14

Ekigaali kyaidha kyatuuka mu musiri ogw'omuntu ayetebwa Yoshua ow'e Bethi Shemeshi, kyayemerera agho kumpi n'eibaale eikologho. Abantu baayasaaga emiti egy'ekigaali, baaghaayo ente edho ng'ekigheebwayo ekyokebwa eri Musengwa Katonda.