Abalamuzi 6:24 - Baibuli Ekibono kya Katonda 2014

²⁴ Gideoni yaazimbira Musengwa Katonda alutaari mu kifo ekyo, yaagituuma eriina: “Musengwa Katonda oyo n'emiraala.” N'okutuusa mpegaano alutaari eyo ekaali mu Ofura ekya Ababiezeri.

Abalamuzi 6:24 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 12:8

Olwava agho, yaaja mu kiketezo eky'ensozi e buvandhuba w'e Betheli yaazimba eyo weema ye nga Betheli kimuli e bugwandhuba, ate Ayi kyamuba e buvandhuba. Yaazimbira agho Musengwa Katonda alutaari, era yaamusinza.

Amainhama 22:14

Aburahamu yaatuuma ekifo ekyo eriina “Musengwa Katonda atugha.” Era ni leero abantu bakoba bati ku lusozi lwa “Musengwa atugha.”

Amainhama 33:20

Yaazimbagho alutaari, yaagituuma eriina Eli Elohe Isiraeli.

2 Samueli 24:25

Era yaazimbira agho Musengwa Katonda alutaari yaagheerayo ebigheebwayo ebyokebwa n'ebigheebwayo olw'okutabagana. Kale Musengwa Katonda yaabagha bye baasabira ensi era yaalekeza n'ekibamba ekyali kiri kwita abantu mu Isiraeli.

1 Bakyabazinga 18:32

Amabaale ago yaagazimbisa alutaari ey'okusinzizangaku Musengwa Katonda. Yaagisimaku olukonko okugyezunguluza, nga lujaamu lita ng'oti ikumi na ina edh'amaadhi.

Ezera 3:2

Agho Yeshua mutabane wa Yozadaki, ni bakabona baine, ni Zerubbabeli mutabane wa Shealutieli aghalala n'aboluganda lwe, baazimba buyaaka alutaari ya Katonda wa Isiraeli, ey'okugheerangaku ebigheebwayo ebyokebwa, nga bwe kyaghandiikibwa mu Mateeka ga Musa omuntu wa Katonda.

Okuvaayo 17:15

Musa yaazimba alutaari yaagituuma eriina “Musengwa Katonda ni bendera yange.”

Yeremia 23:6

Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Ezekieli 48:35

Obuleeyi bwonabwona aghalala obw'ekisenge kye mulizimba ku kibuga okukyezunguluza, buliba mita kenda (9,000). Era ekibuga ekyo kiryetebwanga eriina, Musengwa Katonda ali omwo.”

Okubala 26:30

eya Iezeri, n'eya Heleki,

Yoshua 22:10

Ab'ekika eky'Abareubeni, n'eky'Abagadi, n'eky'Abamanasse ab'e buvandhuba bwe baatuuka e Gelilothi, nga bakaali e bugwandhuba wa Yorudani, baazimba alutaari enkologho agho kumpi n'omwiga Yorudani.

Abalamuzi 21:4

Ku lunaku olwairaku ku nkyo, abantu baazimba alutaari, baaghaayo ebigheebwayo ebyokebwa n'ebigheebwayo olw'okutabagana.

Abalamuzi 6:23

Aye Musengwa Katonda yaamukoba ati: “Emiraala gibe n'iwe. Leka kutya, toidha kufa.”

Abalamuzi 8:27

Gideoni yaakola mu zaabu oyo ekisinzibwa ekitali Katonda, yaakita mu kibuga kye ekiri mu Ofura. Abaisiraeli boonaboona baava ku Katonda, baajangayo okukisinza, kyafuuka omutego eri Gideoni n'ab'omu maka ge.

Abalamuzi 8:32

Agho Gideoni mutabane wa Yoashi yaafa ng'akairiighe inho yaawola n'okuwola. Baamuziika mu lwambiidhi lwa lata we Yoashi, mu Ofura, ekibuga ekya Ababiezeri.

1 Samueli 14:35

Saulo yaazimbira agho Musengwa Katonda alutaari. Eyo n'alutaari Saulo oyo ye yasooka okuzimbira Musengwa Katonda.

1 Samueli 7:17

Bwe yamalanga, yairayo e Rama, n'eyabanga amaka ge. Era eyo yoona yaalamulirangayo Abaisiraeli, era yaazimbirayo Musengwa Katonda alutaari.