Abalamuzi 6:23 - Baibuli Ekibono kya Katonda 2014

²³ Aye Musengwa Katonda yaamukoba ati: “Emiraala gibe n'iwe. Leka kutya, toidha kufa.”

Abalamuzi 6:23 ပူးပေါင်းရင်းမြစ်များ

Amainhama 32:30

Yakobo yaatuuma ekifo ekyo eriina Penieli, ng'akoba ati: “Mbonagaine ni Katonda maiso ku maiso, aye naasigala nga nkaali mulamu.”

Amainhama 32:31

Endhuba yaja okuvaayo okumwakaku, ng'ali kuva e Penieli, ng'aghenhera olw'ekisambi kye.

Amainhama 43:23

Omugheereza yaakoba ati: “Mulobe kweraliikirira era mulobe kutya. Katonda waimwe era Katonda wa iseimwe, ateekwa okuba nga n'eyabateera empiiya edho mu nsawo dhaimwe. Nze nafuna empiiya dhe mwasasula.” Agho yaabaleetera Simeoni.

Zabbuli 85:8

Leka mpulire Musengwa Katonda ky'aja okukoba, kuba ndidhi aja kwogera ebituleetera emiraala ife abantu be abamutya, kasita tuba nga titwizeeyo mu bya kisiru.

Danieli 10:19

Yankoba ati: “Iwe oli mugonzi inho ye Katonda, kale otatya. Ba mugumu era emiraala gibe n'iwe.” Bwe yankoba atyo, neeyongera okuwulira mule amaani era naamukoba nti: “Musengwa, yogera, kuba buti ondhiziizaamu amaani.”

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Yoanne 20:19

Eigulo ly'olunaku lwene olwo, olwiririra Sabbato, endhigi dhaali nga nsibe Abeegeresebwa ghe baali beesololeiza kuba baali bali kutya Abayudaaya. Yesu yaidha yaabeemereramu ghagati yaabakoba ati: “Emiraala gibe n'imwe.”

Yoanne 20:26

Bwe ghaabitagho enaku omunaana, kabiri Abeegeresebwa be baali mu ndhu nga ni Thomasi ali nabo era nga n'endhigi ndhigale. Agho Yesu yaidha yaabeemereramu ghagati, yaakoba ati: “Emiraala gibe n'imwe.”

Ab'e Roma 1:7

Kale ni mbaghandiikira imwe mwenamwena ab'e Roma, Katonda b'agonza era be yayeta okuba abantu be. Katonda Iseife ni Musengwa waife Yesu Kurisito abaghe enkabi n'emiraala.

Abalamuzi 19:20

Omusaadha omukaire yaakoba ati: “Emiraala gibe n'imwe. Ndidha kubagha byonabyona bye mwetaaga. Mutasula mu luya.”

Abalamuzi 6:22

Olwo Gideoni yaamanha nga y'aboine abaire malaika wa Musengwa Katonda. Agho yaakoba ati: “Wo Musengwa Katonda wange, nkagwireku! Mboine malaika wo maiso ku maiso!”

Abalamuzi 6:24

Gideoni yaazimbira Musengwa Katonda alutaari mu kifo ekyo, yaagituuma eriina: “Musengwa Katonda oyo n'emiraala.” N'okutuusa mpegaano alutaari eyo ekaali mu Ofura ekya Ababiezeri.