Abalamuzi 6:2 - Baibuli Ekibono kya Katonda 2014

² Abamidia baasingira ghala Abaisiraeli amaani. Era olw'ekyo Abaisiraeli beesimira endungu edh'okwekwekamu mu nsozi, era beekwekanga mu mpuku ni mu bifo ebindi eby'okwewogomamu

Abalamuzi 6:2 ပူးပေါင်းရင်းမြစ်များ

Yobu 30:6

Baasigalira kubanga eyo mu nkonko dh'amaadhi, ni mu biina, ni mu mpuku edh'omu lubaale.

Yeremia 41:9

Ensulo Ishimaeli ye yasuulamu emirambo egy'abasaadha be yaita, yali nga n'ere enene kyabazinga Asa owa Buyudaaya ye yasima, bweyalumbibwa kyabazinga Baasha owa Isiraeli. Ishimaeli yaidhuza ensulo eyo emirambo.

Yeremia 48:28

“Imwe abantu b'e Moabu, muve mu bibuga byaimwe, muje mubenga mu mbaalebaale. Mube ng'oti mayemba agazimba mu ndhatika edhiba mu gabaale.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Abaheburayi 11:38

era nga n'ensi tibagibonamu muganhulo. Baatambulatambulanga eyo batyo mu malungu ni mu nsozi ng'oti n'abanoonia obubudamo, nga basula mu mpuku ni mu biina.

Okwolekebwa 6:15

Olwo bakyabazinga ab'oku nsi, n'abafuzi, n'abakulu b'abaisirukale, n'abakombe, n'ab'amaani, n'abantu boonaboona, abairu n'ab'eidembe, beegisa mu mpuku ni mu gabaale ag'oku nsozi.

Abalamuzi 10:8

Abafilisiti n'Abammoni abo baamala emyaka ikumi na munaana nga batuntuza era nga bakiriga Abaisiraeli boonaboona abaali ere ng'osomoike omwiga Yorudani, mu kiketezo eky'Abamori ekiri mu Gileadi.

Abalamuzi 10:9

Abammoni baasomoka n'omwiga Yorudani okulwanisa ab'ekika kya Yuda, n'ekya Benjamini, n'ekya Efuraimu. Olwo Isiraeli yoonayoona yaaba mu bweraliikirivu obubitirivu.

Abalamuzi 6:3

kuba Abaisiraeli buli lwe baamalanga okusiga, olwo nga Abamidia, n'Abamaleki, n'abatyamye ab'omu buvandhuba, beeyimba okwidha okubalumba.

1 Samueli 13:6

Abaisiraeli bwe baabona nga bali mu kabi, era ng'eigye lyaibwe balinhigiriiza, beegisa mu mpuku, mu biina, mu mabaale, mu magombe, ni mu nsulo edh'amaadhi.

1 Samueli 14:11

Kale bombi beeyoleka eri enkambi ey'abalwani Abafilisiti. Abafilisiti baakoba bati: “Mubone, Abaheburayi bali kuvaayo mu biina mwe baali beegisiisa.”