Abalamuzi 6:19 - Baibuli Ekibono kya Katonda 2014

¹⁹ Kale Gideoni yaingira mu ndhu ye, yaita embuzi entototo, yaagifumba. Era yaakanda kilo ng'oti ikumi edh'obuwunga, yaakolamu emigaati egitazimbulukusiibwa. Emamba yaagita mu kiibo, omuunhu gwamu yaagufuka mu kibya, yaabireeta ye malaika wa Musengwa Katonda ali ghansi gh'omuti omukologho, yaabimugha.

Abalamuzi 6:19 ပူးပေါင်းရင်းမြစ်များ

Amainhama 18:3

yaakoba ati: “Musengwa wange, bw'obona nga ngwaniire iwe okuba ghe ndi, otambitaku bubite nze omugheereza wo.

Amainhama 18:5

Ndidha kuleeta ni ku kamere, mulyeku mufune amaani memale mweyongereyo, kuba mukyaliire omugheereza waimwe.” Bale bairamu bati: “Kola nga bw'okobye.”

Abalevi 2:4

“Ekigheebwayo ekinaaleetebwanga bwe kinaabanga eky'emigaati egifumbiibwa nga giziikiibwa mu ziiko, giidha kubanga nga giteekwa okuba emigaati eminene egitazimbulukusiibwa, egy'obuwunga obuseereibwa obukalamu, obutabwirwamu omuzigo, oba emigaati emitono egitazimbulukusiibwa, egisiigiibwaku omuzigo.

Matayo 13:33

Yaabakobera olufumo olundi ati: “Obwakyabazinga obw'omu igulu bufaanana ng'oti n'ekizimbulukusa, omukazi kye yatoola n'atabika mu biibo ebisatu eby'engaano, okutuusa byonabyona bwe byazimbuluka.”

Abalamuzi 13:20

Enimi edh'omuliro bwe dhaava ku alutaari, ni dhitumbukira ghaigulu, malaika wa Musengwa Katonda yaajiira mu nnimi edho ghaigulu, nga Manoa ni mukazi we babona. Agho Manoa ni mukazi we baakuba amakiryaivu, baakutama n'ebyeni byatuuka ku itaka.

Abalamuzi 6:18

Nkweghembye otava ghano, ka mmale okukuleetera ekigheebwayo kyange.” Musengwa Katonda yairamu ati: “Ndidha kuba ghano okutuusa gh'onairira.”

Abalamuzi 6:20

Malaika wa Musengwa Katonda yaamukoba ati: “Toola emamba n'emigaati egitazimbulukusiibwa obite ku ibaale lino, obifukeku omuunhu ogw'omu mamba eyo.” Gideoni yaakola atyo.