Abalamuzi 6:16 - Baibuli Ekibono kya Katonda 2014

¹⁶ Musengwa Katonda yaamwiramu ati: “Ndidha kuba ghalala n'iwe, era oidha kughangula Abamidia ng'oti n'ali kughangula omuntu omulala ati.”

Abalamuzi 6:16 ပူးပေါင်းရင်းမြစ်များ

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Mariko 16:20

Ate Abeegeresebwa baaja baayegeresa buli ghantu Musengwa ng'ali nabo. Ebibono byaibwe ng'abikakasa n'ebyewuunhio bye yabakozanga.] [Mangu ago baakobera Petero ni be yali nabo, byonabyona malaika bye yabalagira. Era ebyo olwawa, Yesu mwene yaabatuma okuja okulangirira Amawulire Amatukuvu agatawaagho ag'obulokozi woonawoona okuva e buvandhuba okutuuka e bugwandhuba.]

Ebikolwa by'Abatume 11:21

Baali n'amaani ga Musengwa era abantu kamaala baikiriza, baira ye Musengwa.

Amateeka Agokubiri 20:1

Musa yaakoba Abaisiraeli ati: “Bwe munaajanga okulwanisa abazigu baimwe, aye ni mubona embalaasi, n'ebigaali eby'omu lutalo, n'eigye erisinga eryaimwe obunene, mutatyanga kuba Musengwa Katonda waimwe eyabatoola e Misiri, ali n'imwe buliidho.

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 10:8

Musengwa Katonda yaakoba Yoshua ati: “Otatya bakyabazinga abo, kuba mmaze okubakuta mu ngalo. Ghazira muntu anaaghanga kukulwanisa ng'akuboineku.”

Abalamuzi 2:18

Musengwa Katonda bwe yateerangagho Abaisiraeli omukulembeze, Musengwa Katonda oyo ng'aba ghalala n'omukulembeze oyo, era yaawonianga abantu abazigu baibwe, ekiseera kyonakyona omukulembeze oyo kye yamalanga ng'akaali mulamu. Musengwa Katonda yabagemerwanga ekivunika, kuba baasindanga olw'abo abaabadaazadaazanga ni babatuntuza.

Abalamuzi 6:12

Agho malaika wa Musengwa Katonda yaamubonekera, yaamukoba ati: “Musengwa Katonda ali n'iwe, iwe omusaadha ow'amaani era omuzira.”

Abalamuzi 6:36

Agho Gideoni yaakoba Katonda ati: “Wo Katonda wange, wakoba oti oidha kununula Abaisiraeli ng'onkozesa nze.

Ruthi 2:4

Bwe ghaabitaghooku entangama, Boazi mwene yaatuuka ng'ava e Bethelehemu. Yaalamusa abakungula ati: “Musengwa Katonda abe n'imwe.” Baamwiramu bati: “Musengwa Katonda akughe enkabi.”