Abalamuzi 5:12 - Baibuli Ekibono kya Katonda 2014

¹² Zuuka, zuuka Debora, situka oyembe olwembo! Zuuka Baraki mutabane wa Abinoamu, twala abo be wanhaga.

Abalamuzi 5:12 ပူးပေါင်းရင်းမြစ်များ

Zabbuli 108:2

Iwe entongooli yange n'iwe endingidi yange, muzuuke! Leero ndidha kuzuusa endhuba.

Zabbuli 57:8

Iwe omwoyo gwange zuuka! Iwe entongooli yange, n'iwe endingidi yange muzuuke. Leero ndidha kuzuusa endhuba.

Zabbuli 57:9

Wo Musengwa Katonda, ndidha kukusiimanga nga ndi mu bantu, era nkusaakenga nga ndi mu maghanga.

Zabbuli 68:18

Yaaniina eyo ghaigulu ng'atwala abanhage kamaala; abantu nga mw'otwaliire n'abadheemu, baamutonera ebirabo. Musengwa Katonda eyo y'aja okubanga.

Isaia 14:2

Amaghanga kamaala galiyamba Abaisiraeli okwirayo mu nsi yaibwe, Musengwa Katonda ye yabagha. Era abamaghanga agandi balifuuka bairu ba Baisiraeli abo, baabagheerezanga. Olwo abo abaatwala Abaisiraeli nga banhage baaba nga bafuulibwa okuba abanhage ab'Abaisiraeli abo. Era Abaisiraeli abo balifuganga abo abaabatuntuzanga.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 60:1

Iwe Yerusalemu, situka oyake ng'oti ndhuba, kuba obutangaavu bwo butuuse, n'ekitiisa kya Musengwa Katonda kiri kwakira ku iwe.

Yeremia 31:26

Agho abantu balikobanga bati, ‘Najiire naatenduka, era nzuuse nga ndhizeemu amaani.’

1 Ab'e Korintho 15:34

Mweireku mulekere agho okukola ebibi, kuba abandi ku imwe timwidhi Katonda. Kino nkyogeire mbagemye ensoni.

Ab'Efeso 4:8

Ebyaghandiikibwa kye biva ni bikoba biti: “Bwe yaniina eyo ghaigulu, yaatwala abanhage kamaala era yaagha abantu ebirabo.”

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

2 Timotheo 2:26

Agho baasobola okuwunuka omutego gwa Sitaani ogwabagemya n'abakoza by'ayenda.

Abalamuzi 5:13

Agho abakungu abaawonagho baatambuza maani; abantu ba Musengwa Katonda baidha y'ali okulwanisa ab'amaani.