Abalamuzi 5:11 - Baibuli Ekibono kya Katonda 2014

¹¹ Muwulire amamiro ag'abali ku nsulo edh'amaadhi. Boogera ku bughanguzi Musengwa Katonda bwe yagha Isiraeli. Agho abantu ba Musengwa Katonda baatambuza maani, okuja ku miryango gy'ebibuga byaibwe.

Abalamuzi 5:11 ပူးပေါင်းရင်းမြစ်များ

Amainhama 24:11

Bwe yatuukayo, yaafukamiza engamiya ku luya lw'ekibuga aghali ensulo; ebiseera byali bya igulo abakazi ghe bafulumira okuja amaadhi.

Amainhama 29:2

Yaja okulinga ati, yaabona ensulo mu nsiko n'ebighaso eby'entaama bisatu, nga dhirambaire agho aghali ensulo; kuba mu nsulo omwo mwe baanhwesanga entaama. Ku nsulo eyo nga basandikiraku eibaale eikologho.

Amainhama 29:3

Ebighaso eby'entaama byonabyona buli lwe byesolozanga, ng'olwo abaayi bagalangula eibaale eryo okuva ku munwa gw'ensulo, nga banhwesa entaama; kabiri nga baliizaagho okusandikira ensulo.

Yobu 29:7

Bwe najanga mu kifo eky'olwekobaano ku mulyango ogwingira mu kibuga, nga nja mu kifo ekyange

Zabbuli 145:7

Baidha kulomboodhanga nga bw'oli omulungi einho, bembenga inho ku butuufu bwo.

Zabbuli 71:15

Omusana n'obwire ndidha kukoberanga abantu ebikolwa byo eby'obutuufu, mbakoberenga n'ebyo eby'obulokozi, waire nga tisobola kubitegeera kubimalayo.

Isaia 12:3

Ng'amaadhi amalungi bwe gasanhusa abali endiwo, n'abantu ba Katonda batyo bwe basagamba nga Katonda abalokoire.”

Isaia 28:6

Aligha abalamuzi omwoyo ogw'okukolanga amazima, era yaagha abaisirukale amaani okukuumanga emiryango gy'ekibuga, okukiwonia okulumbwa abazigu.

Yeremia 7:2

nje nhemerere mu mulyango gw'eisinzizo, nangirire eri abantu ab'omu Buyudaaya boonaboona abangira okusinza Musengwa Katonda, nga mbakoba nti,

Okulira 5:4

Buti tuli n'okusasulira amaadhi ge tunhwa era n'enku dhe tufumbisa.

Okulira 5:9

Okuja okwagala emere tweghaayo bweghe, olw'abatemo ababa eyo mu irungu.

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Amateeka Agokubiri 22:24

Ekyo bwe kinaabangagho, bombi mwidha kubafulumyanga, ku luya kw'omulyango gw'ekibuga ekyo, mubakube amabaale bafe. Omughala aidha kwitibwanga olw'obutakuba nduulu ate nga yali mu kibuga. N'omusaadha aidha kwitibwanga olw'okuba yakaka muka beene yaaba naye. Mu nsambo eyo munaabanga nga mwetoireku ekibi ekyo.

Amateeka Agokubiri 33:21

Beetwalira ekiketezo ekirungi einho okusinga ebindi kuba ogwo n'ogwali omugabo gwaibwe ng'abakulembeze. Baaja n'abakulembeze b'abantu, baatuukiriza ebiragiro bya Musengwa Katonda, n'amateeka ge yagha Isiraeli.”

Abalamuzi 11:40

ey'abaghala okujanga buli mwaka, ni bamala enaku ina nga balira mughala wa Yefutha ow'e Gileadi.

Abalamuzi 5:8

Abaisiraeli bwe baalondagho okusinza bakatonda abayaaka, olwo ghaabaagho olutalo mu Isiraeli. Mu basaadha emitwalo ena (40,000) mu Isiraeli, ghaabulagho eyagemaku ku ngabo oba ku ifumo mu ngalo dhe.

1 Samueli 12:7

Kale ni, buti mwemerere bukalamu mbalumirize mu maiso ga Musengwa Katonda olw'ebirungi byonabyona bye yabakolera imwe ni badhaadha baimwe.