Abalamuzi 4:7 - Baibuli Ekibono kya Katonda 2014

⁷ Ndidha kuleeta Sisera omuduumizi w'eigye lya Yabini, aidhe akulwanise ku mwiga Kishoni. Aidha kwidha n'ebigaali bye eby'omu lutalo n'abaisirukale be, aye ndidha kukugha okumughangula.’ ”

Abalamuzi 4:7 ပူးပေါင်းရင်းမြစ်များ

1 Bakyabazinga 18:40

Agho Eliya yaabakoba ati: “Mugeme abalanzi ba Baali, ghalobe kubaagho alumukagho waire omulala.” Kale baabagema. Eliya yaabaserengesa ku kaiga Kishoni, yaabaitira eyo.

Okuvaayo 14:17

Ndidha kukalangusa emyoyo egy'Abamisiri balobe kutya, boona bangire mu nhandha nga bababingirira, aye kye nja okukola kyabazinga n'abalwani be boonaboona, n'ebigaali bye eby'omu lutalo, n'abavuzi be ab'embalaasi, kija kumpeesa ekitiisa.

Okuvaayo 14:4

Mu kiseera n'ekirala ndidha kumukalangusa omwoyo alobe kutya, atoolere okubabinga ng'ayenda okubagema, aye kye nja okukola kyabazinga n'abalwani be kija kumpeesa ekitiisa, era Abamisiri balimanha nga ninze Musengwa Katonda.” Abaisiraeli baakola nga Musengwa Katonda bweyabakoba.

Okuvaayo 14:8

Musengwa Katonda yaakalangusa omwoyo gwa kyabazinga ow'e Misiri yaaloba kutya, yaatoolera okubinga ng'ayenda okugema Abaisiraeli abaali bali kutambula nga ghazira kye batya.

Okuvaayo 21:13

Aye bw'anaabanga nga tiyamweteega mu bugenderevu, aye nga nze Katonda ninze nasalagho afe mu nsambo eyo, agho ndidha kutangagho ekifo mw'anaalumukiranga, n'awona omusango ogwo.

Yoshua 10:8

Musengwa Katonda yaakoba Yoshua ati: “Otatya bakyabazinga abo, kuba mmaze okubakuta mu ngalo. Ghazira muntu anaaghanga kukulwanisa ng'akuboineku.”

Yoshua 11:20

Musengwa Katonda n'eyaleeteranga abantu abo, okukanaghala ni balwana n'Abaisiraeli. Olwo basalirwe omusango gubasinge, era bazikirizibwe aghazira kusaasirwa, nga Musengwa Katonda bwe yalagira Musa.

Yoshua 11:6

Musengwa Katonda yaakoba Yoshua ati: “Abo otabatya kuba ndidha kubaita boonaboona, idho ku saawa ng'oti ni dhino banaaba bafiire. Embalaasi dhaibwe mwidha kudhisala eminho, n'ebigaali byaibwe eby'omu lutalo mubyokye.”

Yoshua 8:7

Ng'olwo musituka okuva ghe munaaba mubwaime, nga mugema ekibuga ekyo kuba Musengwa Katonda waimwe aidha kukibata mu ngalo.

Abalamuzi 4:14

Debora yaakoba Baraki ati: “Situkiramu, oje. Musengwa Katonda akukulembeiremu. Olwaleero akughaire okughangula Sisera.” Agho Baraki yaaserengeta olusozi Tabori, ghalala n'abasaadha be omutwalo omulala.

Abalamuzi 4:8

Baraki yaamukoba ati: “Iwe bw'onaaja ninze, zeena ndidha kuja. Aye bw'otaaje ninze, zeena tiidha kuja.”

Abalamuzi 5:21

Omwidhuzo ogw'omu mwiga Kishoni gwabaghalabania, gwabayoolookeraku gwabeeyaagho. Nze ndidha kutambuza maani, nga tiira inhuma!

1 Samueli 24:10

Olwaleero weeboneireku n'amaiso go geene, nga Musengwa Katonda abaire okutaire mu ngalo dhange ng'oli mu mpuku. Abandi bankobye nkwite, aye nze naaloba, nga nkoba nti, ‘Tiidha kugalula mukono kwita musengwa wange kyabazinga, kuba n'oyo Musengwa Katonda ye yasiiga omuzigo.’

1 Samueli 24:18

Era olwaleero oyoleike nga bw'ombisiisa obukalamu n'otandhita, ate nga Musengwa Katonda antaire mu ngalo dho.