Abalamuzi 4:6 - Baibuli Ekibono kya Katonda 2014

⁶ Agho yaatumisa Baraki mutabane wa Abinoamu ow'omu kibuga Kadeshi eky'e Nafutali. Yaamukoba ati: “Musengwa Katonda, Katonda wa Isiraeli, akulagiire ati, ‘Twala abasaadha omutwalo mulala ku b'ekika kya Nafutali n'ekya Zebuluni, mwesolokeze ku lusozi Tabori.

Abalamuzi 4:6 ပူးပေါင်းရင်းမြစ်များ

Zabbuli 7:6

Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.

Zabbuli 89:12

Niiwe owatonda ebiri ku luuyi olw'omukono omugooda olw'e buvandhuba, n'ebiri ku luuyi olw'omukono omusaadha olw'e buvandhuba. Ensozi Tabori ni Herimoni dhisaaka eriina lyo n'eisanhu.

Zabbuli 89:13

Oli wa buyinza bungi, oli wa maani inho atatuukikaku.

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Hosea 5:1

“Imwe bakabona muwulire kino! Imwe Abaisiraeli mufeeyo ku kye nkoba! Imwe ab'endhu ya kyabazinga mutege kutu! Omusango baligubasalira; kuba e Mizipa mwafuukira abantu ekizibu ng'oti mutego, e Tabori mweraliikiriza abantu ng'oti lutuula olutegeibwa,

Ebikolwa by'Abatume 13:47

kuba ekyo Musengwa kye yatulagira, bwe yatukoba ati, ‘Nkutairegho obe ekimuliikirira eri abamaghanga agandi, obe obulokozi bw'ensi yoonayoona.’ ”

Abaheburayi 11:32

Nkobe ki era ndeke ki? Ekiseera kiidha kumpwaku bwe nnaayogera ku Gideoni, Baraki, Samusoni, Yefutha, Daudi, Samueli, ni ku balanzi.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 19:22

Ensalosalo yaibwe ng'ebita ku Tabori, ni ku Shahazuma, ni ku Bethi Shemeshi, yaakoma ku Yorudani. Ng'ekiketezo kyaibwe kizingiramu ebibuga ikumi na mukaaga n'ebyalo byaku.

Yoshua 19:32

Akalulu bwe kaakubwa omukuzi ogwomukaaga kaagwa ku kika eky'Abanafutali ng'enda dhaibwe bwe dhaali.

Yoshua 19:35

Ebibuga ebyezungulwirwa ebimante ebigumu byali nga ni bino: Ziddimu, Zeri, Hamathi, Rakkathi, Kinnerethi,

Yoshua 19:37

Kedeshi, Edurei, Enihazori,

Yoshua 21:32

Era baafuna ebibuga bisatu okuva ku kiketezo eky'Abanafutali, nga ni bino: Kedeshi eky'omu Galilaaya era ekindi ku byalondebwa okulumukirangamu ole aise omuntu nga tagendereire, ni Hammothi Dori, ni Karitanu, n'ebiketezo ebibyezungulwire omuli eisubi ery'okwayirangamu.

Abalamuzi 4:10

Baraki yaayeta ab'ekika kya Nafutali n'ekya Zebuluni. Agho abasaadha omutwalo mulala baamunonereza, ni Debora yeena yaaja naye.

Abalamuzi 5:1

Agho ku lunaku olwo, Debora ni Baraki mutabane wa Abinoamu, baayemba olwembo luno bati:

Abalamuzi 6:35

Yaatuma abakwenda mu biketezo bya Manasse byonabyona okubeeta baidhe bamweyimbeku. Era yaatuma abakwenda ni y'ekika kya Asheri, n'ekya Zebuluni, n'ekya Nafutali, boona baidha baamweyimbaku.

Abalamuzi 8:18

Agho Gideoni yaabuuza Zeba ni Zalumunna ati: “Abasaadha be mwaitira e Tabori baali bafaanana batya?” Bale bamwiramu bati: “Baali bafaanana n'iwe, nga buli muntu ali ng'oti n'omwana wa kyabazinga.”

1 Samueli 10:3

Agho oidha kuvaagho, weeyongereyo otuuke ku muti omukologho oguli e Tabori, y'onaayagaana abantu basatu nga bali kuja e Betheli okusinza Katonda. Omulala ku abo aidha kuba ng'ali kutwala embuzi entototo isatu, owundi ng'ali kutwala emigaati esatu, n'owundi ng'ali kutwala ensawo ey'omwenge gw'emizabbibu ey'oluwu.

1 Samueli 12:11

Agho Musengwa Katonda yaatuma Yerubbaali, ni Baraki, ni Yefutha, ni Samueli, olwo yaajanga ng'awonia imwe abazigu baimwe ababeezungulwire, era mwaba mu miraala.