Abalamuzi 4:19 - Baibuli Ekibono kya Katonda 2014

¹⁹ Sisera yaamukoba ati: “Nkweghembye mpa ku maadhi nhweku, kuba ndi ndiwo.” Yaeli yaasibula ensawo ey'oluwu omuba amata, yaamugha yaanhwa. Kabiri yaamubwikaku ekigoye.

Abalamuzi 4:19 ပူးပေါင်းရင်းမြစ်များ

Amainhama 24:43

Bona, mpegaano nhemereire ghano ku nsulo. Kale, omughala anaafuluma okusena amaadhi, nze ni mmukoba nti, Nkweghembye mpa ku maadhi mu nsugha yo nhweku,

1 Bakyabazinga 17:10

Agho Eliya yaasituka, yaaja e Zarefathi. Bwe yatuuka ku mulyango ogw'ekibuga, yaayagaanagho namwandu ng'ali kulondereza obuku. Yaamweta, yaamukoba ati: “Nkweghembye ndeetera ku maadhi nhweku.”

Isaia 41:17

Abantu bange abaavu n'abali mu bwetaavu, bwe balinoonia amaadhi ni gababula, amamiro ni gatuuka n'okubakala olw'endiwo, nze Musengwa Katonda ndiiramu okusaba kwaibwe nze Katonda wa Isiraeli tiribalekulira agho.

Yoanne 4:7

Omukazi Omusamaria yaidha okusena amaadhi, Yesu yaamukoba ati: “Mpa ku maadhi nhweku.”

Abalamuzi 4:18

Yaeli yaafuluma mu weema ye, yaaja okusangaaza Sisera. Yaamukoba ati: “Musengwa Katonda wange, ingira.” Sisera yaingira mu weema. Yaeli yaamubwikaku ekigoye okumukweka.

Abalamuzi 4:20

Sisera yaakoba Yaeli ati: “Yemerera ku mulyango gwa weema. Bwe ghabaagho aidha n'akubuuza ati, ‘Ghaligho omuntu yeenayeena ali muno?’ Koba oti, ‘Busa.’ ”

Abalamuzi 5:24

Abakazi boonaboona abasula mu weema, Yaeli muka Heberi Omukeni n'abasinga okuba ow'enkabi.