Abalamuzi 4:14 - Baibuli Ekibono kya Katonda 2014

¹⁴ Debora yaakoba Baraki ati: “Situkiramu, oje. Musengwa Katonda akukulembeiremu. Olwaleero akughaire okughangula Sisera.” Agho Baraki yaaserengeta olusozi Tabori, ghalala n'abasaadha be omutwalo omulala.

Abalamuzi 4:14 ပူးပေါင်းရင်းမြစ်များ

Amainhama 19:14

Agho Loti yaafuluma, yaakoba abasaadha abaali ab'okubayiza baghala be ati: “Musitukiremu, muve mu kifo kino, kuba Musengwa Katonda ali kumpi okuzikiriza ekibuga.” Aye bale baadhuuba bati ali kudhondha budhondhe.

Amainhama 44:4

Bwe baali baakatambulaku katono okuva mu kibuga, Yosefu yaakoba omugheereza we ati: “Situka obingirire abasaadha abo. Bw'onaabatuukaku, obakobe oti, ‘Lwaki ebirungi bye tubakoleire mubisaswiremu ebibi? Lwaki mwibye ekikopo kya musengwa wange ekya feeza?

2 Samueli 5:24

Bw'onaawulira empindo edh'abali kukumba, nga dhiviira ghaigulu ku miti emibalisamu egyo, ng'olwo obalumba. Olwo nze Musengwa Katonda nnaaba nkwesooseeyo emberi okughangula eigye ery'Abafilisiti eryo.”

Isaia 52:12

Eyo timulivaayo nga mugwidhubana waire okuvaayo nga mulumuka; kuba Musengwa Katonda mwene n'alibakulemberamu, era Katonda oyo owa Isiraeli alibavaaku einhuma ng'abakuuma.

Mika 2:13

Agho Mika yaalanga ati: “Katonda mwene aja kwiguliragho abantu be, abakulemberemu ng'abatoola mu bunhage. Baja kughagulagho omulyango ogw'ekibuga, babitemu baje nga ghazira na kibakobaku. Musengwa Katonda mwene era kyabazinga waibwe, n'aja okubakulemberamu abafulumye.”

Amateeka Agokubiri 9:3

Agho ni mukimanhe muti Musengwa Katonda waimwe n'aidha okubakulemberangamu, ng'ali ng'oti muliro oguzikiriza buli kiri mu ngira yaagwo. Mwene aidha kughangula abantu abo nga mukaali kubatuukaku. Olwo musobole okubabingamu n'okubazikiriza amangu, nga bweyabasuubiza imwe.

Yoshua 10:8

Musengwa Katonda yaakoba Yoshua ati: “Otatya bakyabazinga abo, kuba mmaze okubakuta mu ngalo. Ghazira muntu anaaghanga kukulwanisa ng'akuboineku.”

Yoshua 7:13

Situkiramu okobe abantu beetukuze era beetegeke okwidha ye ndi. Bakobe enkyo babe nga beetegeike, kuba nze Musengwa Katonda wa Isiraeli ndi kuja okubakoba nti, ‘Imwe Abaisiraeli, ghaligho ebintu bye muli nabyo bye nabalagira okuzikiriza. Buti timusobola kulwanisa muzigu abalumbye okutuusa nga mwetoiremu ebintu ebyo.’

Abalamuzi 19:28

Yaamukoba ati: “Situka tuje.” Aye ng'omukazi tali kumwiramu. Agho yaamuta ku ndogoyi, yaagolola ewuwe.

Abalamuzi 4:10

Baraki yaayeta ab'ekika kya Nafutali n'ekya Zebuluni. Agho abasaadha omutwalo mulala baamunonereza, ni Debora yeena yaaja naye.

Abalamuzi 7:9

Mu bwire obwo, Musengwa Katonda yaakoba Gideoni ati: “Situka, oje olumbe Abamidia mu weema dhaibwe mbakughaire obaghangule.

1 Samueli 9:26

Agho obwire nga buli kukya, Samueli yaayeta Saulo ghaigulu ku ndhu, ng'amukoba ati: “Situkagho nkusiibule oje.” Agho Saulo yaasitukagho, baafuluma bombi ni Samueli.