Abalamuzi 3:9 - Baibuli Ekibono kya Katonda 2014

⁹ Aye Abaisiraeli bwe baalirira Musengwa Katonda, Musengwa Katonda yaabateeragho omuntu eyabanunula, nga ni Othinieli mutabane wa Kenazi. Kenazi oyo nga ni muto wa Kalebu.

Abalamuzi 3:9 ပူးပေါင်းရင်းမြစ်များ

Nehemia 9:27

Kye wava n'obaghaayo mu ngalo edh'abazigu baibwe, abaabadaazadaaza. Nga bali mu kudaagadaaga batyo, baakulirira, waabawulira ng'oli mu igulu. Era olw'okusaasira kwo okungi einho, waabagheerezanga abanunuzi abaabanunulanga okuva mu ngalo dh'abazigu baibwe.

Zabbuli 22:5

Baakulirira era waabalokola; baakwesiga era waabawonia okuswala.

Zabbuli 78:34

Bwe yabaitamu banaibwe atyo, abaasigalagho baakyuka baira y'ali beenenia, baatoolera okumusinza n'omwoyo mulala.

Yoshua 15:17

Agho Othinieli mutabane wa Kenazi, nga Kenazi ono muganda wa Kalebu, yaakikuba yaakighangula, era Kalebu yaamugha mughala we Akisa.

Abalamuzi 1:13

Agho Othinieli mutabane wa Kenazi, nga Kenazi ono ni muto wa Kalebu, yaakikuba yaakighangula, era Kalebu yaamugha mughala we Akisa.

Abalamuzi 10:10

Agho Abaisiraeli baalirira Musengwa Katonda nga bakoba bati: “Twayonoona mu maiso go, kuba twakuvaaku iwe Katonda waife, twasinza emisambwa gi Baali.”

Abalamuzi 2:16

Agho Musengwa Katonda yaabateeragho abakulembeze okubawonia abanhazi.

Abalamuzi 2:18

Musengwa Katonda bwe yateerangagho Abaisiraeli omukulembeze, Musengwa Katonda oyo ng'aba ghalala n'omukulembeze oyo, era yaawonianga abantu abazigu baibwe, ekiseera kyonakyona omukulembeze oyo kye yamalanga ng'akaali mulamu. Musengwa Katonda yabagemerwanga ekivunika, kuba baasindanga olw'abo abaabadaazadaazanga ni babatuntuza.

Abalamuzi 3:15

Aye Abaisiraeli bwe baalirira Musengwa Katonda, Musengwa Katonda oyo yaabateeragho omuntu eyabanunula, nga ni Ehudi mutabane wa Gera, ow'omu kika kya Benjamini. Ehudi oyo yali wa igooda. Agho Abaisiraeli baatuma Ehudi oyo okutwala ebirabo ye kyabazinga Eguloni ow'e Moabu.

Abalamuzi 3:8

Kale obusungu bwa Musengwa Katonda bwatumbukira ku Baisiraeli ng'oti muliro, yaaleka kyabazinga Kushani Rishathaimu ow'e Mesopotamia yaabaghangula era yaabafuga okumala emyaka munaana.

Abalamuzi 4:3

Yabini yali n'ebigaali lwenda eby'omu lutalo eby'ekyuma ekigumu einho. Era yafuga Abaisiraeli ng'abatuntuza n'obukambwe, okumala emyaka amakumi abiri. Agho Abaisiraeli baalirira Musengwa Katonda ababeere.

Abalamuzi 6:7

Agho Abaisiraeli baalirira Musengwa Katonda abayambe olw'Abamidia abo.

1 Samueli 12:10

Agho badhaadha baimwe baalirira Musengwa Katonda, nga bakoba bati: ‘Twakola ebibi, kuba twava ku Musengwa Katonda twagheereza emisambwa Baali ni Ashitarothi. Aye mperaano tukweghemba otuwonie abazigu baife, twidha kukugheerezanga.’