Abalamuzi 3:7 - Baibuli Ekibono kya Katonda 2014

⁷ Agho Abaisiraeli beerabira Musengwa Katonda waibwe. Baayonoona y'ali, nga basinza emisambwa Baali ni Ashera.

Abalamuzi 3:7 ပူးပေါင်းရင်းမြစ်များ

1 Bakyabazinga 16:33

Ahabu era yaakola ekifaananie ky'omusambwa omukazi Ashera. Ahabu oyo yaakola ebisungughaza Musengwa Katonda, Katonda wa Isiraeli, okusinga bakyabazinga boonaboona aba Isiraeli abaamusooka.

1 Bakyabazinga 18:19

Mpegaano ni, soloza Abaisiraeli boonaboona, baidhe twagaanane ku lusozi Karumeli, ghalala n'abalanzi ba Baali ebikumi ebina n'ataanu (450) era n'abalanzi ebikumi ebina (400) ab'omusambwa omukazi Ashera, abalya ku kiiwulo kya Yezebeli.”

2 Bakyabazinga 23:14

Kyabazinga Yosia yaamenhamenha empango, era yaatematema n'ebifaananie eby'omusambwa Ashera. Mu bifo byabyo yaidhuzaamu amagumba g'abafu.

2 Bakyabazinga 23:6

Yaatoola mu isinzizo ekifaananie ky'omusambwa omukazi Ashera, yaakitwala kuliya wa Yerusalemu eri akaiga Kiduroni, yaakyokera eyo, yaakisekulasekula kyafuuka bwa nkungu, yaamansira enkungu eyo mu kifo mwe baaziikanga abantu ababuliidho.

2 Ebyomubyanda 15:16

Era kyabazinga Asa oyo yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yakola ekifaananie ekyenhinhalwa ekyasinzibwanga, eky'omusambwa omukazi Ashera. Asa yaatemagho ekifaananie ekyo, yaakimenhamenha, yaakyokera ku kaiga Kiduroni.

2 Ebyomubyanda 24:18

Baava ku kusinzizanga mu isinzizo lya Musengwa Katonda, Katonda wa badhaadha baibwe, baira ku kusinzanga omusambwa omukazi Ashera n'ebisinzibwa ebindi ebitali Katonda. Era Musengwa Katonda oyo yaasungughalira Buyudaaya ni Yerusalemu, olw'omusango gwaibwe ogwo.

2 Ebyomubyanda 33:19

Ate ebigema ku ebyo Manasse bye yasaba Katonda, n'ebyo Katonda oyo bye yamwiramu olw'okusaba okwo, n'ebibi ghalala n'ebisobyo byonabyona bye yakola, n'ebifo ebigulumivu bye yazimba okusinzizangamu, n'ebifaananie eby'omusambwa omukazi Ashera bye yataagho, n'ebisinzibwa ebitali Katonda bye yasinzanga ng'akaali kugonda kwenenia, byonabyona byaghandiikibwa mu Byafaayo eby'abalanzi.

2 Ebyomubyanda 33:3

Yaazimba buyaaka ebifo ebigulumivu eby'okusinzizaamu, lata we Hezekia bye yali azikiriiza. Yaateeragho omusambwa Baali alutaari edh'okugusinzizaaku, era yaakola ebifaananie eby'omusambwa omukazi Ashera. Yaasinzanga eby'oku igulu byonabyona era yaafuuka mugheereza waabyo.

2 Ebyomubyanda 34:3

Kyabazinga Yosia bweyali ng'akaali muto, mu mwaka gwe ogwomunaana nga n'afuga Buyudaaya, yaatoolera okusinza Katonda wa dhaadha we Daudi. Era mu mwaka gwe ogweikumi n'ebiri yaatoolera okugogola mu Buyudaaya ni mu Yerusalemu, okumalamu ebifo ebigulumivu eby'okusinzizaamu, n'ebifaananie eby'omusambwa omukazi Ashera, n'ebifaananie ebindi ebibaadhe n'ebyo ebyakolebwa mu kyuma ekisaanuusiibwa.

2 Ebyomubyanda 34:7

Yaamenhamenha alutaari, yaamulungula ebifaananie eby'omusambwa omukazi Ashera, n'ebifaananie ebindi, yaabisa byafuuka nkungu. Yaatematema n'alutaari dhoonadhoona edhiniokezebwaku obubbaani mu Isiraeli yoonayoona, memale yaira e Yerusalemu.

Zabbuli 106:35

aye baafumbiraganwa nabo, era baayega empisa dhaibwe,

Zabbuli 106:36

nga basinza ebitali Katonda era ekyo kyabaviiraku okuzikirira.

Zabbuli 106:7

Badhaadha baife nga bakaali mu Misiri, ebyewuunhisa Musengwa Katonda bye yakolanga tibaabitwalanga ng'ekikulu; tibaidhukirangaku naire bwe yabagonzanga obutalekera. Baadheemera oyo Ali Ghaigulu Yeene, bwe baali mu Nhandha Emyufu.

Okuvaayo 34:13

Mu kifo eky'okukola nabo endagaano, mumenhemenhegho alutaari dhaibwe, n'ebituuti byaibwe eby'amabaale, era n'ebifaananie bya Ashera, omusambwa gwaibwe omukazi.

Yeremia 23:27

Balowooza bati ebirooto byaibwe bye bakobera abantu, binaaleetera abantu bange abo okuneerabira, ng'oti ni badhaadha baibwe bwe baaneerabira ni baira mu kusinza omusambwa Baali?

Amateeka Agokubiri 16:21

Bwe munaabanga nga mukolera Musengwa Katonda waimwe alutaari, mutasimbangagho mu mbali mwayo muti gwa kamanhiso ka musambwa omukazi, Ashera.

Amateeka Agokubiri 4:9

“Aye mwegenderezenga era mwekuumenga, mulobe kwerabiranga mu bulamu bwaimwe bwonabwona, ebyo imwe beene bye mweboneraku n'agaimwe. Mukoberenga abaana n'abaidhukulu

Amateeka Agokubiri 8:11

Musa yaayongera okukoba Abaisiraeli ati: “Mwekuumenga mulobenga kwerabira Musengwa Katonda waimwe, nga muloba okukuuma amateeka ge, n'ebiragiro bye, n'okulamba kwe, bye ndi kubagha olwaleero.

Amateeka Agokubiri 8:14

Aye ebyo byonabyona nga bimaze okubaagho, mutagezangaku naire kwekuluntaza, ni mwerabira Musengwa Katonda waimwe eyabatoola e Misiri ye mwakolanga obwiru.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

Abalamuzi 3:12

Abaisiraeli bairamu kabiri baayonoona ye Musengwa Katonda. Kale Musengwa Katonda yaagha kyabazinga Eguloni ow'e Moabu amaani okulwanisa Abaisiraeli.

Abalamuzi 3:8

Kale obusungu bwa Musengwa Katonda bwatumbukira ku Baisiraeli ng'oti muliro, yaaleka kyabazinga Kushani Rishathaimu ow'e Mesopotamia yaabaghangula era yaabafuga okumala emyaka munaana.

Abalamuzi 6:25

Mu bwire obwo, malaika wa Musengwa Katonda yaakoba Gideoni ati: “Toola ente ya lata wo enume, n'ente eyindi enume ey'emyaka omusanvu, omenhemenhegho alutaari lata wo ye yazimbira Baali, era otemeteme n'empagi ya Ashera egiri ku mbali agho.

Abalamuzi 8:33

Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.

Abalamuzi 8:34

Baalekera okusinza Musengwa Katonda waibwe, eyabawonia abazigu baibwe boonaboona abaali babeezungulwire.

1 Samueli 12:10

Agho badhaadha baimwe baalirira Musengwa Katonda, nga bakoba bati: ‘Twakola ebibi, kuba twava ku Musengwa Katonda twagheereza emisambwa Baali ni Ashitarothi. Aye mperaano tukweghemba otuwonie abazigu baife, twidha kukugheerezanga.’

1 Samueli 12:9

Aye badhaadha baimwe beerabira Musengwa Katonda waibwe. Era Musengwa Katonda oyo yaabaghaayo mu mikono gya Sisera omuduumizi w'eigye lya kyabazinga Yabini ow'e Hazori, ni mu mikono gy'Abafilisiti, era ni mu mikono gya kyabazinga w'e Moabu abo boonaboona baalwanisa badhaadha baimwe abo.