Abalamuzi 3:5 - Baibuli Ekibono kya Katonda 2014

⁵ Kale Abaisiraeli baabanga mu Bakanaani, ni mu Bahitti, ni mu Bamori, ni mu Baperizzi, ni mu Bahivi, ni mu Bayebusi.

Abalamuzi 3:5 ပူးပေါင်းရင်းမြစ်များ

Amainhama 13:7

Kale ghaabangagho okusoola ghagati gh'abaayi ab'ente dha Aburamu n'abo abaayayanga edha Loti. Mu biseera ebyo Abakanaani n'Abaperizzi nga n'abali mu nsi eyo.

1 Bakyabazinga 9:20

Ghaaligho abantu abaawonagho abataali Baisiraeli, nga n'omuli Abamori, Abahitti, Abaperizzi, Abahivi, n'Abayebusi abaali mu nsi Kanaani.

Nehemia 9:8

Wamubona ng'omwoyo gwe mwesigwa y'oli, waakola naye endagaano. Waasuubiza okugha baidhukulu be, ensi ey'Abakanaani, n'Abahitti, n'Abamori, n'Abaperizzi, n'Abayebusi, n'Abagirigashi. Era waatuukiriza kye wasuubiza, kuba oli mutukuvu.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 34:16

Era mulisobola okufunira batabane baimwe ku baghala baibwe okubabayira. Kale baghala baibwe abo bwe balitoolera okusinza bakatonda baibwe, ni batabane baimwe balisobola okubeeyimbaku boona baasinza bakatonda abo.

Okubala 13:29

Twabona nga Abamaleki baba mu kiketezo kyayo ekikalukalu eky'oku luuyi olw'omukono omusaadha olw'e buvandhuba, Abahitti n'Abayebusi n'Abamori, baaba mu kiketezo kyayo eky'ensozi, ate Abakanaani baaba ku mbali okw'enhandha, ni ku mbali okw'omwiga Yorudani.”

Amateeka Agokubiri 7:1

Musa yaakoba Abaisiraeli ati: “Musengwa Katonda waimwe aidha kubaingiza mu nsi ye muja okutwala okuba obutaka bwaimwe. Amaghanga musanvu agasinga eryaimwe obukologho n'amaani, buti n'agaba mu nsi eyo, era ni gano: Abahitti, Abagirigashi, Abamori, Abakanaani, Abaperizzi, Abahivi, n'Abayebusi. Aye bwe munaabanga nga muli kumpi okutuukayo, Musengwa Katonda waimwe oyo aidha kugabingangamu goonagoona.

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 9:1

Bakyabazinga ab'e bugwandhuba obw'omwiga Yorudani baawulira ng'Abaisiraeli bwe baaghangula abazigu baibwe. Bakyabazinga abo, ni bano: ab'omu biketezo eby'ensozi, n'ab'omu biiko, n'ab'omu biketezo ebiri ku mbali okw'Enhandha Eyaghagati ng'oja e Lebanoni. Abantu abaali mu biketezo bino, ni bano: Abahitti, Abamori, Abakanaani, Abaperizzi, Abahivi, n'Abayebusi.

Abalamuzi 1:4

Kale ab'ekika kya Simeoni n'ab'ekika kya Yuda baajiira ghalala mu lutalo. Musengwa Katonda yaabagha okughangula abasaadha abaghera omutwalo (10,000) e Bezeki, Abakanaani n'Abaperizzi.

Abalamuzi 1:5

E Bezeki eyo baayagaanayo kyabazinga ayetebwa Adonibezeki, baamulwanisa era baaghangula Abakanaani n'Abaperizzi.