Abalamuzi 3:31 - Baibuli Ekibono kya Katonda 2014

³¹ Omukulembeze eyairaku, yali ng'ayetebwa Shamugari, nga mutabane wa Anathi. Yeena yanunula Isiraeli bwe yaita Abafilisiti olukaaga (600) ng'akozesa oluti olusongovu lwe bakozesa okusindiikiriza ente okutambula.

Abalamuzi 3:31 ပူးပေါင်းရင်းမြစ်များ

1 Ab'e Korintho 1:17

Kurisito tiyantuma kubatiza aye yantuma okukobera abantu Amawulire Amalungi, era ngabakobere nga tikozesa magezi ga bantu, olwo okufa kwa Kurisito ku musalaba kulobe kuwaamu maani gaakwo.

Abalamuzi 10:11

Musengwa Katonda yairamu Abaisiraeli ati: “Nze tyabawonia bwe mwali nga muli kutuntuzibwa Abamisiri, n'Abamori n'Abammoni, n'Abafilisiti,

Abalamuzi 10:17

Agho Abammoni beetegeka okulwana, baasimba weema dhaibwe mu Gileadi. N'Abaisiraeli beesoloza, baasimba weema dhaibwe e Mizipa mu Gileadi.

Abalamuzi 10:7

Musengwa Katonda yaasungughalira Abaisiraeli abo, yaaleka Abafilisiti n'Abammoni baabaghangula.

Abalamuzi 15:15

Agho Samusoni yaabona eigumba ery'oluba olw'endogoyi eyali yaakafa nga liri agho, yaalironda, yaaliitisa abasaadha lukumi (1,000).

Abalamuzi 2:16

Agho Musengwa Katonda yaabateeragho abakulembeze okubawonia abanhazi.

Abalamuzi 3:30

Ku lunaku olwo Abaisiraeli baaghangula Moabu. Ensi yaabaamu emiraala okumala emyaka kinaana.

Abalamuzi 4:1

Ehudi bwe yamala okufa, Abaisiraeli bairamu kabiri okwonoona ye Musengwa Katonda.

Abalamuzi 5:6

Mu byanda bya Shamugari mutabane wa Anathi, mu biseera bya Yaeli, ababise baalekera okubita mu nguudo, n'abatambuze baabitanga eyo mu masokolosokolo.

Abalamuzi 5:8

Abaisiraeli bwe baalondagho okusinza bakatonda abayaaka, olwo ghaabaagho olutalo mu Isiraeli. Mu basaadha emitwalo ena (40,000) mu Isiraeli, ghaabulagho eyagemaku ku ngabo oba ku ifumo mu ngalo dhe.

1 Samueli 12:9

Aye badhaadha baimwe beerabira Musengwa Katonda waibwe. Era Musengwa Katonda oyo yaabaghaayo mu mikono gya Sisera omuduumizi w'eigye lya kyabazinga Yabini ow'e Hazori, ni mu mikono gy'Abafilisiti, era ni mu mikono gya kyabazinga w'e Moabu abo boonaboona baalwanisa badhaadha baimwe abo.

1 Samueli 17:47

Era olwo abantu bano boonaboona abeesoloiza ghano bamanhe nga Musengwa Katonda talokola na mpiima waire na ifumo kuba Musengwa Katonda ni mwene lutalo luno, era imwe aidha kubata mu ngalo dhaife tubaghangule.”

1 Samueli 17:50

Kale Daudi yaaghangula Omufilisiti ng'akozesa nsuumulo na ibaale. Yaakuba Omufilisiti oyo yaamwita nga takozeisa mpiima naire.

1 Samueli 4:1

Agho Abaisiraeli baaja okulwana n'Abafilisiti. Baasimba weema dhaibwe mu kifo ekyetebwa Ebenezeri, ate Abafilisiti baasimba edhaibwe mu Afeki.