Abalamuzi 3:28 - Baibuli Ekibono kya Katonda 2014

²⁸ Yaabakoba ati: “Munnonereze, Musengwa Katonda abaghaire okughangula abazigu baimwe Abamoabu.” Agho baamunonereza, baaserengeta, baagema ekifo Abamoabu ghe baali ab'okusomokera omwiga Yorudani, baaloba kuganha muntu waire omulala okusomoka.

Abalamuzi 3:28 ပူးပေါင်းရင်းမြစ်များ

1 Bakyabazinga 20:21

Kyabazinga wa Isiraeli yaalwana olutalo, yaanhaga embalaasi n'ebigaali eby'omu lutalo, era yaita Abasiria kamaala inho.

Yoshua 2:7

Kale abasaadha abaava ew'omukulu w'ekibuga baafuluma okuva mu kibuga, era olwafuluma bati omulyango ogw'ekibuga gwaigalwa. Baaja nga baagala abakeesi Abaisiraeli okutuukiza irala mu kifo omwiga Yorudani ghe gusomokerwa.

Abalamuzi 10:11

Musengwa Katonda yairamu Abaisiraeli ati: “Nze tyabawonia bwe mwali nga muli kutuntuzibwa Abamisiri, n'Abamori n'Abammoni, n'Abafilisiti,

Abalamuzi 12:5

Agho Abagileadi baagema ebifo byonabyona omwiga Yorudani ghe gusomokerwa, nga benda okulobera Abaefuraimu okulumuka. Era kiisi Muefuraimu eyagezangaku okulumuka, bwe yaidhanga n'asaba bamuganhe okusomoka, nga bamubuuza bati: “Oli Muefuraimu?” Bwe yairangamu ati: “Busa”,

Abalamuzi 3:29

Ku mukuzi ogwo baita abasaadha Abamoabu ab'amaani einho abaghera ng'omutwalo omulamba, ghaabulagho awonagho.

Abalamuzi 4:10

Baraki yaayeta ab'ekika kya Nafutali n'ekya Zebuluni. Agho abasaadha omutwalo mulala baamunonereza, ni Debora yeena yaaja naye.

Abalamuzi 7:14

Mwine yaamwiramu ati: “Eyo n'empiima ya Gideoni, mutabane wa Yoashi, Omuisiraeli! Ghazira kindi kabiri ekyo kye kisobola kutegeeza. Katonda amughaire okughangula ensi Midia n'eigye lyaife lyonalyona.”

Abalamuzi 7:15

Gideoni bwe yawulira ekirooto ky'omusaadha oyo n'amakulu gaakyo, yaasinza Katonda. Era yairayo ku weema dh'Abaisiraeli, yaabakoba ati: “Musituke! Musengwa Katonda abaghaire okughangula eigye ly'e Midia.”

Abalamuzi 7:17

Yaabakoba ati: “Bwe nnaatuuka ku mbali kw'ekifo aghasimbiibwa weema, mwidha kuuningirira. Kye nnaakola, mwena kye mwidha okukola.

Abalamuzi 7:24

Gideoni yaatuma abakwenda mu kiketezo kyonakyona ekya Efuraimu eky'ensozi, yaabakoba ati: “Muserengete ghansi mulwanise Abamidia. Muzingize, mugeme omwiga Yorudani n'ebiketezo ebindi eby'amaadhi okutuuka e Bethibara.” Kale ab'ekika kya Efuraimu baayetebwa, baidha baagema omwiga Yorudani n'ebiketezo ebindi eby'amaadhi.

Abalamuzi 7:9

Mu bwire obwo, Musengwa Katonda yaakoba Gideoni ati: “Situka, oje olumbe Abamidia mu weema dhaibwe mbakughaire obaghangule.

1 Samueli 17:47

Era olwo abantu bano boonaboona abeesoloiza ghano bamanhe nga Musengwa Katonda talokola na mpiima waire na ifumo kuba Musengwa Katonda ni mwene lutalo luno, era imwe aidha kubata mu ngalo dhaife tubaghangule.”