Abalamuzi 3:27 - Baibuli Ekibono kya Katonda 2014

²⁷ Bwe yatuuka eyo mu kiketezo eky'ensozi ekya Efuraimu, yaafuuwa endeka okweta Abaisiraeli. Yaabakulembera, baaserengeta naye okuvaayo.

Abalamuzi 3:27 ပူးပေါင်းရင်းမြစ်များ

2 Samueli 20:22

Agho omukazi oyo yaaja y'abantu be mu magezi ge, baasala ku Sheba omutwe baagusuulira Yoabu ku luya ye yali. Kale Yoabu yaafuuwa eigwala, abasaadha be baagumbulukuka okuva ku kibuga ekyo, buli muntu yairayo ewuwe. Yoabu yairayo mu Yerusalemu ye kyabazinga.

2 Bakyabazinga 9:13

Amangu geene ago buli muntu ku baduumizi abo, yaatoolamu ekivaalo kye ky'avaire, yaakyaliirira ku madaala Yehu aniineku. Baafuuwa eigwala baakoba bati: “Yehu ni kyabazinga!”

Nehemia 4:14

Bwe nabona ntyo naasitukiramu, naakoba abakulembeze, n'abakungu, n'abantu abandi boonaboona nti: “Abazigu abo mutabatya. Mwidhukire nga Musengwa Katonda mukologho era wa ntiisa. Kale mulwanirire baganda baimwe, ni batabane baimwe, ni baghala baimwe, ni bakazi baimwe, era n'amaka gaimwe.”

Yoshua 17:15

Yoshua yaabairamu ati: “Oba nga muli kamaala era ng'ekiketezo ekya Efuraimu eky'ensozi tikibamala, muje musaaghe ebibira mu kiketezo ekirimu Abaperizzi n'Abarefa.”

Yoshua 17:18

Ekiketezo eky'ensozi kiidha kuba kyaimwe waire nga kirimu ebibira mwidha kubisaagha, bube butaka bwaimwe okuva ye kiva okutuuka ye kikanga. Abo Abakanaani mwidha kubabingamu waire nga ba maani era nga bali n'ebigaali eby'omu lutalo ebyakolebwa mu byuma.”

Abalamuzi 10:1

Abimeleki bwe yamala okufa, Tola mutabane wa Pua era mwidhukulu wa Dodo, yaidha okununula Isiraeli. Yali wa mu kika kya Issakari, ng'aba mu kiketezo eky'ensozi ekya Efuraimu.

Abalamuzi 17:1

Ghaaligho omusaadha ng'eriina lye ni Mika, eyali ow'omu kiketezo eky'e Efuraimu eky'oku nsozi.

Abalamuzi 19:1

Mu biseera ebyo, nga ghakaali kubaagho kyabazinga mu Isiraeli, ghaaligho Omulevi eyabanga eghala mu kiketezo eky'oku nsozi eky'e Efuraimu. Omulevi oyo yaafuna omukazi ow'embali mu Bethelehemu e Buyudaaya.

Abalamuzi 3:26

Ehudi yabeibaku bwe baali nga bakaateegerera, yaabitira y'amabaale amabaadhe, yaatuuka e Seira.

Abalamuzi 5:14

Baava mu Efuraimu baaja mu kiiko, nga banonereza abantu ab'ekika kya Benjamini. Abaduumizi baava mu Makiri, ate abakulu b'abalwani baava mu Zebuluni.

Abalamuzi 6:34

Agho omwoyo gwa Musengwa Katonda gwaidha ku Gideoni, yaafuuwa endeka okweta ab'ekika kya Abiezeri baidhe y'ali.

Abalamuzi 7:24

Gideoni yaatuma abakwenda mu kiketezo kyonakyona ekya Efuraimu eky'ensozi, yaabakoba ati: “Muserengete ghansi mulwanise Abamidia. Muzingize, mugeme omwiga Yorudani n'ebiketezo ebindi eby'amaadhi okutuuka e Bethibara.” Kale ab'ekika kya Efuraimu baayetebwa, baidha baagema omwiga Yorudani n'ebiketezo ebindi eby'amaadhi.

1 Samueli 13:3

Yonathani yaaghangula enkambi y'abalwani Abafilisiti e Geba, era Abafilisiti baakiwulira. Agho Saulo yaafuuwa eigwala okubuna eighanga lyonalyona, ng'akoba ati: “Abaheburayi boonaboona ka bawulire!”