Abalamuzi 21:8 - Baibuli Ekibono kya Katonda 2014

⁸ Agho baabuuza bati: “Ni baani mu b'omu bika bya Isiraeli abataaja mu maiso ga Musengwa Katonda e Mizipa?” Baaja okukizuula ng'e Yabeshi eky'omu Gileadi tiyavaayo muntu waire omulala, eyaidha okubaagho ng'abantu beesoloiza;

Abalamuzi 21:8 ပူးပေါင်းရင်းမြစ်များ

1 Ebyomubyanda 10:11

Abatyamye boonaboona ab'omu kibuga Yabeshi e Gileadi bwe baawulira ekyo Abafilisiti kye baakola Saulo,

Abalamuzi 21:7

Tunaakola tutya okufunira abasaadha Ababenjamini abasigairegho abakazi, ate nga twalayira ye Musengwa Katonda obutabagha baghala baife?”

Abalamuzi 21:9

kuba abantu bwe baabalibwa tighaaligho mutyamye waire omulala ku b'e Yabeshi eyabonekaku.

Abalamuzi 5:23

Malaika wa Musengwa Katonda akoba ati: “Mukolimire Merozi, mukolimire inho abatyamye baamu; kuba tibaidha kubeeraku Musengwa Katonda, mu kulwanisa ab'amaani.”

1 Samueli 11:7

Yaatoola ente ibiri, yaadhitematemamu ebitundu, yaabigha abakwenda babitwale woonawoona mu Isiraeli nga bakoba abantu bati: “Kiisi ataaveeyo kunonereza Saulo ni Samueli, ente dhe baidha kudhitematema batyo.” Musengwa Katonda yaaleetera abantu okutya, baavaayo boonaboona nga bali kwisa kirala.

1 Samueli 11:9

Agho baakoba abakwenda bale abaidha, bati: “Muje mukobe abantu b'e Yabeshi Gileadi muti, ‘Enkyo endhuba enaaja okutuuka mu kasana ghagati, nga mumaze okununulwa.’ ” Abakwenda bwe baaja ni bakobera abantu b'e Yebeshi batyo, abantu ab'e Yebeshi abo baasangaala!