Abalamuzi 21:5 - Baibuli Ekibono kya Katonda 2014

⁵ Baabuuza bati: “Ni baani ku b'omu bika bya Isiraeli, abataaja mu lwekobaano ng'abantu beesoloiza mu maiso ga Musengwa Katonda e Mizipa?” Baabuuza ekyo, kuba baali nga beerayiriire inho, ku muntu yeenayeena aloba okuniinaniina okuja e Mizipa, nga bakoba bati: “Wa kwitibwa.”

Abalamuzi 21:5 ပူးပေါင်းရင်းမြစ်များ

Yeremia 48:10

“Omuntu atakola mulimo gwa Musengwa Katonda na mwoyo mulala akolimirwe! N'oyo alobera empiima ye okwita akolimirwe!”

Abalamuzi 21:1

Abaisiraeli bwe baali e Mizipa, baalayira bati: “Ghazira muntu waire omulala mu ife, aligha wa mu kika kya Benjamini mughala we okumubayiza.”

Abalamuzi 21:18

Aye titusobola kubagha ku baghala baife kubafumbirwa, kuba twamala okulayira tuti, “Oyo yeenayeena aligha Omubenjamini mughala we okumufumbirwa, akolimirwe.”

Abalamuzi 21:6

Abaisiraeli baalumirwa baganda baibwe Ababenjamini, baakoba bati: “Olwaleero Isiraeli efiiriirwa ekindi ku bika byayo!

Abalamuzi 5:23

Malaika wa Musengwa Katonda akoba ati: “Mukolimire Merozi, mukolimire inho abatyamye baamu; kuba tibaidha kubeeraku Musengwa Katonda, mu kulwanisa ab'amaani.”

1 Samueli 11:7

Yaatoola ente ibiri, yaadhitematemamu ebitundu, yaabigha abakwenda babitwale woonawoona mu Isiraeli nga bakoba abantu bati: “Kiisi ataaveeyo kunonereza Saulo ni Samueli, ente dhe baidha kudhitematema batyo.” Musengwa Katonda yaaleetera abantu okutya, baavaayo boonaboona nga bali kwisa kirala.

1 Samueli 14:24

Agho Abaisiraeli baaba bubi ku lunaku olwo, kuba Saulo yabalayiza ng'akoba ati: “Omuntu yeenayeena anaalya ng'eigulo likaali era nga nkaali kumala kwesasuuliza ku bazigu bange, akolimirwe.” Kale ghaabulagho akomba ku kamere waire omulala.