Abalamuzi 21:4 - Baibuli Ekibono kya Katonda 2014

⁴ Ku lunaku olwairaku ku nkyo, abantu baazimba alutaari, baaghaayo ebigheebwayo ebyokebwa n'ebigheebwayo olw'okutabagana.

Abalamuzi 21:4 ပူးပေါင်းရင်းမြစ်များ

2 Samueli 24:18

Ku lunaku lwene olwo Gadi yaidha yaakoba Daudi ati: “Ja mu kifo aghakubirwa engaano agha Arauna Omuyebusi ozimbire agho Musengwa Katonda alutaari.”

2 Samueli 24:25

Era yaazimbira agho Musengwa Katonda alutaari yaagheerayo ebigheebwayo ebyokebwa n'ebigheebwayo olw'okutabagana. Kale Musengwa Katonda yaabagha bye baasabira ensi era yaalekeza n'ekibamba ekyali kiri kwita abantu mu Isiraeli.

1 Bakyabazinga 8:64

Ku lunaku olwo, kyabazinga yaatukuza oluya olwa ghagati olwali mu maiso g'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo eyali mu maiso ga Musengwa Katonda, yali ntono inho nga tibisobola kusugaku.

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Amateeka Agokubiri 12:5

Mu biketezo by'ebika byaimwe byonabyona, Musengwa Katonda waimwe aidha kulondamu ekifo kirala, abantu ye banaajanga mu maiso ge okumusinza.

Abaheburayi 13:10

Tuli ni alutaari abo abagheereza mu nhumba ya Katonda kwe bataikirizibwa kulya.

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

Abalamuzi 21:3

nga bakoba bati: “Wo Musengwa Katonda, Katonda wa Isiraeli, kiviire ku ki ekika kya Benjamini okutuuka okusaanagho?”

Abalamuzi 6:24

Gideoni yaazimbira Musengwa Katonda alutaari mu kifo ekyo, yaagituuma eriina: “Musengwa Katonda oyo n'emiraala.” N'okutuusa mpegaano alutaari eyo ekaali mu Ofura ekya Ababiezeri.

Abalamuzi 6:26

Olwo ozimbire Musengwa Katonda wo alutaari ghaigulu ku kigulumo kino, ng'okozesa amabaale agataanhiibwa obukalamu. Era, olwo otoole ente ere eyokubiri ogigheeyo ng'ekigheebwayo ekyokebwa, ng'ogyokesa enku edh'empagi ere eya Ashera y'otemyetemye.”

1 Samueli 7:17

Bwe yamalanga, yairayo e Rama, n'eyabanga amaka ge. Era eyo yoona yaalamulirangayo Abaisiraeli, era yaazimbirayo Musengwa Katonda alutaari.