Abalamuzi 21:2 - Baibuli Ekibono kya Katonda 2014

² Agho Abaisiraeli baaja e Betheli, baatyama eyo mu maiso ga Musengwa Katonda okutuusa eigulo. Baawowoola nga balira amaziga kamaala,

Abalamuzi 21:2 ပူးပေါင်းရင်းမြစ်များ

Amainhama 27:38

Esau yeeghemba ise ati: “Bbaaba, enkabi oli na ndala eti yonka? Wo bbaaba nkweghembye zeena nsabira enkabi!” Agho yaatoolera okuwowoola.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

Abalamuzi 2:4

Malaika wa Musengwa Katonda bwe yamala okwogera ebyo, Abaisiraeli boonaboona baalira amaziga.

Abalamuzi 20:18

Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”

Abalamuzi 20:23

Agho baaniinaniina okuja mu kifo ye basinziza, baalirira mu maiso ga Musengwa Katonda okutuusa eigulo. Baabuuza Musengwa Katonda bati: “Twiremu kabiri okulumba baganda baife Ababenjamini tubalwanise?” Musengwa Katonda yairamu ati: “Muje mubalwanise.”

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

Abalamuzi 21:12

Mu batyamye b'omu Yabeshi, baayagaanamu abaghala abeegha ebikumi bina. Baabaleeta mu kifo ghe baasimba weema dhaibwe e Shilo, ekiri mu nsi Kanaani.

Abalamuzi 21:3

nga bakoba bati: “Wo Musengwa Katonda, Katonda wa Isiraeli, kiviire ku ki ekika kya Benjamini okutuuka okusaanagho?”

1 Samueli 11:4

Abakwenda bwe baatuuka e Gibea ekya Saulo, baakobera abantu ebibono ebyo. Agho abantu boonaboona baalira inho amaziga.

1 Samueli 30:4

Agho Daudi n'abantu be yali nabo baatimbuka baalira amaziga mangi, okutuusa amaani agalira bwe gaabawaamu.