Abalamuzi 21:10 - Baibuli Ekibono kya Katonda 2014

¹⁰ Kale Abaisiraeli abaali beesoloiza, baatumayo abasaadha abalwani beene abasinga kubulamu ntete omutwalo mulala n'enkumi ibiri (12,000), baabalagira bati: “Muje mwite ab'e Yabeshi eky'omu Gileadi boonaboona, obutalekaayo mukazi, waire omwana omuto.

Abalamuzi 21:10 ပူးပေါင်းရင်းမြစ်များ

Okubala 31:17

Kale mperaano mwite buli mwana mulenzi, era na buli mukazi eyaali abaireku n'omusaadha mu buliri.

Amateeka Agokubiri 13:15

mwitenga bwite abatyamye ab'omu kibuga ekyo,n'ebyayo byaibwe, ekibuga mukisaaniengagho.

Yoshua 7:24

Yoshua n'Abaisiraeli abandi boonaboona baagema Akyani, ni feeza, n'ekivaalo, n'ekitundu kya zaabu era okwo kwe baateera ni batabane ba Akyani ni baghala be, n'ente, n'endogoyi, n'entaama, ni weema ye, na kiisi kintu kyonakyona ekikye. Baabatwala mu kyetebwa Ekiiko eky'Ebizibu.

Abalamuzi 21:5

Baabuuza bati: “Ni baani ku b'omu bika bya Isiraeli, abataaja mu lwekobaano ng'abantu beesoloiza mu maiso ga Musengwa Katonda e Mizipa?” Baabuuza ekyo, kuba baali nga beerayiriire inho, ku muntu yeenayeena aloba okuniinaniina okuja e Mizipa, nga bakoba bati: “Wa kwitibwa.”

Abalamuzi 21:8

Agho baabuuza bati: “Ni baani mu b'omu bika bya Isiraeli abataaja mu maiso ga Musengwa Katonda e Mizipa?” Baaja okukizuula ng'e Yabeshi eky'omu Gileadi tiyavaayo muntu waire omulala, eyaidha okubaagho ng'abantu beesoloiza;

Abalamuzi 21:9

kuba abantu bwe baabalibwa tighaaligho mutyamye waire omulala ku b'e Yabeshi eyabonekaku.

Abalamuzi 5:23

Malaika wa Musengwa Katonda akoba ati: “Mukolimire Merozi, mukolimire inho abatyamye baamu; kuba tibaidha kubeeraku Musengwa Katonda, mu kulwanisa ab'amaani.”

1 Samueli 11:7

Yaatoola ente ibiri, yaadhitematemamu ebitundu, yaabigha abakwenda babitwale woonawoona mu Isiraeli nga bakoba abantu bati: “Kiisi ataaveeyo kunonereza Saulo ni Samueli, ente dhe baidha kudhitematema batyo.” Musengwa Katonda yaaleetera abantu okutya, baavaayo boonaboona nga bali kwisa kirala.

1 Samueli 15:3

Mpegaano ja oite Abamaleki, era ozikirize ni bye bali nabyo byonabyona. Ghatabaagho y'osaasira, aye baite boonaboona: abasaadha n'abakazi, abaana abato n'abayonka, era oite n'ente, n'entaama, n'engamiya, n'endogoyi.’ ”