Abalamuzi 20:6 - Baibuli Ekibono kya Katonda 2014

⁶ Naatwala omulambo gwe, naagusalasalamu ebitundu, naagheereza mu biketezo byonabyona ebyagheebwa Isiraeli ng'omugabo kuba baakola ekyenhinhalwa era eky'obudankaanu mu Isiraeli.

Abalamuzi 20:6 ပူးပေါင်းရင်းမြစ်များ

Amainhama 34:7

Batabane ba Yakobo baira nga bava mu kyayiro. Bwe baakiwulira baanakughala era baasungughala inho, kuba Shekemu kye yali akoze eky'okukaka mughala wa Yakobo, nga kya muzizo mu Baisiraeli.

Abalevi 18:24

“Mutakolanga ekindi ku bintu ebyo waire ekirala kiti, kuba kibafuula abatali balongoofu. Ebyo byonabyona n'ebyafuula abantu abamaghanga agandi agatantya okuba abatali balongoofu, ge ndi kubinga mu nsi eno okuleetamu imwe.

Abalevi 18:30

“Kale mugonderenga bye mbalagira, mulobenga kujiiranga ku mpisa edho edheenhinhalwa, edh'abo abaabasooka okuba mu nsi eno, era mulobenga kwereetaku butali bulongoofu nga mukola ebyo. Ninze Musengwa Katonda waimwe.”

Yoshua 7:15

Ndidha kwoleka omuntu ali n'ebintu ebyo ebyali biri n'okuzikirizibwa. Omuntu oyo mwidha kumwokya n'ab'omu maka ge boonaboona, na kiisi kintu kyayeta ati kikye, kuba yakola bubi inho okudheemera ekiragiro kyange era n'okuswaza Isiraeli obwaga agho.”

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

Abalamuzi 19:23

Omusaadha mwene ndhu yaafuluma, yaabakoba ati: “Bakagwa, mbeeghembye mutakola kiive kyaga agho. Omusaadha ono, mugeni wange. Mutakola kikolwa kya budankaanu ekyo.

Abalamuzi 19:29

Bwe yatuuka eka yaingira mu ndhu ye, yaatoolayo akambe, yaagema omulambo gwa mukazi we yaagusalasalamu ebitundu ikumi na bibiri, buli kika kya Isiraeli yaakigheerezaaku ekitundu.

Abalamuzi 20:10

Abasaadha ikumi ku buli kikumi mu bika bya Isiraeli baidha kuleetera abalwani emere, abandi boonaboona baje beesasuulize ku Gibea ekya Benjamini, olw'ekikolwa ekyo eky'obudankaanu kye baakola mu Isiraeli.”