Abalamuzi 20:5 - Baibuli Ekibono kya Katonda 2014

⁵ Abasaadha ab'e Gibea baanumba, baazingiza endhu mwe nali obwire, baagyezunguluza. Baali benda kundhita, aye baamala baika ku mukazi wange baamukaka, yaafa.

Abalamuzi 20:5 ပူးပေါင်းရင်းမြစ်များ

Abalevi 18:24

“Mutakolanga ekindi ku bintu ebyo waire ekirala kiti, kuba kibafuula abatali balongoofu. Ebyo byonabyona n'ebyafuula abantu abamaghanga agandi agatantya okuba abatali balongoofu, ge ndi kubinga mu nsi eno okuleetamu imwe.

Amateeka Agokubiri 22:21

baidha kufulumyanga omughala oyo ku mulyango gw'endhu ya ise, abasaadha ab'omu kibuga ky'ewaibwe bamukube amabaale bamwite; kuba yakola eky'ensoni mu Isiraeli, yaaba n'omusaadha ate ng'akaali mu ndhu ya ise. Mutyo bwe muneetoolangaku ekibi ekyo.

Amateeka Agokubiri 22:24

Ekyo bwe kinaabangagho, bombi mwidha kubafulumyanga, ku luya kw'omulyango gw'ekibuga ekyo, mubakube amabaale bafe. Omughala aidha kwitibwanga olw'obutakuba nduulu ate nga yali mu kibuga. N'omusaadha aidha kwitibwanga olw'okuba yakaka muka beene yaaba naye. Mu nsambo eyo munaabanga nga mwetoireku ekibi ekyo.

Yoshua 7:15

Ndidha kwoleka omuntu ali n'ebintu ebyo ebyali biri n'okuzikirizibwa. Omuntu oyo mwidha kumwokya n'ab'omu maka ge boonaboona, na kiisi kintu kyayeta ati kikye, kuba yakola bubi inho okudheemera ekiragiro kyange era n'okuswaza Isiraeli obwaga agho.”

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

Abalamuzi 19:28

Yaamukoba ati: “Situka tuje.” Aye ng'omukazi tali kumwiramu. Agho yaamuta ku ndogoyi, yaagolola ewuwe.

Abalamuzi 20:4

Omulevi, iba w'omukazi eyaitibwa, yairamu ati: “Naja e Gibea mu kiketezo kya Benjamini okusulayo, nga ndi ghalala ni mukazi wange.