Abalamuzi 20:45 - Baibuli Ekibono kya Katonda 2014

⁴⁵ Abandi baakyuka, baalumuka nga baja mu irungu, nga boolekeire Olubaale lwa Rimmoni. Enkumi itaanu ku abo baitibwa ku nguudo. Abaisiraeli baayongera okubinga abasigairegho okutuuka e Gidoma, baabaitamu enkumi ibiri.

Abalamuzi 20:45 ပူးပေါင်းရင်းမြစ်များ

1 Ebyomubyanda 6:77

Ab'oku nda ya Merari abaali basigairegho nga bakaali kufuna bibuga, baabagha bino ebyatoolebwa ku kika kya Zebuluni: Rimmono, ghalala n'ebyayiro byakyo ni Tabori, ghalala n'ebyayiro byakyo.

Zekaria 14:10

Ekiketezo kyonakyona ekiri ku luuyi olw'omukono omusaadha olw'e buvandhuba olwa Yerusalemu, okuva e Geba okutuuka e Rimmoni, kirifuulibwa museetwe mwereere. Aye Yerusalemu kirisigala mu kifo kyakyo nga kiri ghaigulu okuwula ebiketezo byonabyona ebikyezungulwire. Era ekibuga ekyo kiriva ku gwetebwa Omulyango gwa Benjamini, kyaja kyatuuka ku gwetebwa Omulyango ogw'omu Nsonda aghaali omulyango omukaire, era kyatuuka ku kyetebwa Ekituuti ekya Hananeli, ni ku bikunhiro bya kyabazinga eby'omwenge ogw'emizabbibu.

Yoshua 15:32

Lebaothi, Shilihimu, Aini ni Rimmoni byonabyona nga n'ebibuga abiri n'omwenda n'ebyalo byaku.

Abalamuzi 20:44

Mu Babenjamini mwafaamu abalwani beene abaziramu ntete omutwalo mulala na kanaana (18,000).

Abalamuzi 20:46

Kale Ababenjamini boonaboona abaafa ku lunaku olwo, baaba emitwalo ebiri n'enkumi itaanu (25,000), boonaboona nga balwani beene abaziramu ntete.

Abalamuzi 21:13

Agho abantu boonaboona abaali beesoloiza, baasindika obukwenda obw'okukomya olutalo, y'Ababenjamini abaali ku Lubaale olw'e Rimmoni.