Abalamuzi 20:41 - Baibuli Ekibono kya Katonda 2014

⁴¹ Agho Abaisiraeli be baali bali kubingirira baakyuka, olwo Ababenjamini baadhugumira nga bali kubona akabi kabatuuseeku!

Abalamuzi 20:41 ပူးပေါင်းရင်းမြစ်များ

Ensambo 11:5

Obwesigwa obw'omuntu omwesimbu butereeza obulamu bwe, aye obubi obw'omuntu omubi n'obumugwisa bwene.

Ensambo 11:6

Obutuufu obw'abantu abeesimbu bubakuuma, aye abo abakupankupania, entegeka dhaibwe dheene n'edhibagemya ng'oti mutego.

Ensambo 29:6

Omuntu omubi, ebibi by'akola bimugemya ng'oti mutego, aye ole akola ebituufu abaagho ng'asagamba era ng'ayemba.

Ensambo 5:22

Ebibi eby'omubi bimufuukira ng'oti lutuula, era bimugema ng'oti n'omutego bwe gugema enhonhi.

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Luka 21:26

Abantu balizirikaku olw'okutya nga balinda ebyo ebiri kwidha ku nsi, kuba amaani ag'omu igulu galitengeesebwa.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Yoshua 8:20

Abasaadha ab'e Ayi baaja okulingaku einhuma, nga babona omwosi ogw'ekibuga kyaibwe ekiri kuya guli mu bire ng'ate bazira na gha kulumukira. Kuba Abaisiraeli abaali bali kulumuka nga boolekeire eirungu, baakyuka baatoolera okulumuka nga baidha ye bali okubalumba.

2 Petero 2:12

Aye abantu bano bali ng'oti nsolo busolo edhizira magezi, edhijiira obw'oku butonde edhizaalibwa nga dha kuyiigibwa na kwitibwa. Kiisi kye bataidhi bakivumagana. Boona balizikirizibwa ng'ensolo edh'omu nsiko.