Abalamuzi 20:34 - Baibuli Ekibono kya Katonda 2014

³⁴ Abasaadha omutwalo mulamba abaalondebwa n'obwegendereza mu Isiraeli yoonayoona, baalumba Gibea, era okulwana kwaba kwa maani inho. Aye Ababenjamini baali nga tibategeire ng'akabi kabali kumpi.

Abalamuzi 20:34 ပူးပေါင်းရင်းမြစ်များ

Yobu 21:13

Bafuna ebirungi mu bulamu, era baafiira mu miraala.

Ensambo 29:6

Omuntu omubi, ebibi by'akola bimugemya ng'oti mutego, aye ole akola ebituufu abaagho ng'asagamba era ng'ayemba.

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Omulangirizi 9:12

kuba ghazira muntu aidhi kiseera kye. Ng'ebyenhandha bwe babigemya mu katimba k'omuvubi, n'enhonhi ni badhigemya ku mutego gw'omuyiizi, n'abantu boona batyo bwe bagwa ku bizibu, byabazinduukiriza ng'oti mutego.

Isaia 47:11

Aye ebizibu birikwidhira ebikusinga amaani, akabi k'otalisobola kwetoolaku kaakutuukaku mu kaseera buseera, waatuuka ku kuzikirira kw'otasobola kwewonia.

Matayo 24:44

Kale imwe mwena mwetegeke, kuba mu kiseera kye mutamusuubiriramu, Omwana w'Omuntu mw'alituukira.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Yoshua 8:14

Kyabazinga ow'e Ayi bwe yababona, mwene n'abasaadha be boonaboona baayangugha, baaja nga boolekeire ekiiko ekirimu Yorudani okulwana n'Abaisiraeli mu kifo kirala ekyo ng'omukuzi gule. Baali nga tibaidhi ng'eriyo abaja okubalumba nga babava e mugongo.

Abalamuzi 20:35

Musengwa Katonda yaagha Isiraeli okughangula Ababenjamini ku lunaku olwo. Abaisiraeli baita abasaadha emitwalo ebiri n'enkumi itaanu na kikumi (25,100) ku balwani Ababenjamini. Abo baali abalwani beene abaziramu ntete.