Abalamuzi 20:32 - Baibuli Ekibono kya Katonda 2014

³² Ababenjamini baakoba bati: “Tubaghangwire nga bwe twakola ku mikuzi egyasooka.” Aye Abaisiraeli baakoba bati: “Ka tulumuke tubasendesende bave mu kibuga, baire mu nguudo.”

Abalamuzi 20:32 ပူးပေါင်းရင်းမြစ်များ

Yoshua 8:5

Nze n'abantu boonaboona be ndi nabo, twidha kwidha nga tukiva emberi waakyo. Bwe tunaabona abasaadha ab'e Ayi nga baidha okutulumba, twidha kukyuka tulumuke nga bwe twakola ku mukuzi gule.

Yoshua 8:6

Baidha kudhuuba bati tuli kubalumuka, nga ku mukuzi gule, batubingirire okutuusa nga tubalesiiza ekibuga ghala.

Abalamuzi 20:31

Ababenjamini baavaayo okulwana, baasendebwasendebwa okuva mu kibuga. Baakola ng'oti ni ku mikuzi egindi, baatoolera okukubira n'okwitira abandi ku Baisiraeli ku nguudo; ku lundi oluniinaniina e Betheli, ni ku lundi oluja e Gibea, era ni mu irungu. Baita Abaisiraeli ng'amakumi asatu.

Abalamuzi 20:33

Kale Abaisiraeli boonaboona baasituka baava mu kifo kye baalimu, baaja beeteega mu nhiriri e Baalitamari. Olwo n'Abaisiraeli abaali babwaime nga beeteeze, baaziinhuuka mu kifo kye baalimu e bugwandhuba wa Gibea.

Abalamuzi 20:39

olwo ekikunsu eky'abalwani abaali bali kulumuka nga kikyuka okulwanisa Ababenjamini. Olwo Ababenjamini baali bamaze okukuba n'okwita Abaisiraeli ng'amakumi asatu, nga baakoba bati: “Tubaghangwire nga bwe twakola ku mikuzi egyasooka.”