Abalamuzi 20:21 - Baibuli Ekibono kya Katonda 2014

²¹ Ababenjamini baava mu kibuga ekyo Gibea baidha okulwana. Baita abalwani Abaisiraeli emitwalo ebiri n'enkumi ibiri (22,000) ku lunaku olwo.

Abalamuzi 20:21 ပူးပေါင်းရင်းမြစ်များ

Amainhama 49:27

Benjamini ali ng'oti n'omusege omuswankuzi. Enkyo alya by'ayiize, eigulo yaagabaniamu by'anhaze.”

2 Ebyomubyanda 28:10

Ate imwe buti muli kwenda kufuula abantu b'omu Buyudaaya n'ab'omu Yerusalemu, abasaadha n'abakazi, babe bairu baimwe. Aye obwo imwe muzirakuuku bibi byaimwe, bye mwakola ni musungughaza Musengwa Katonda waimwe?

Zabbuli 33:16

Kyabazinga okuba n'eigye ery'amaani ti n'ekimuwonia okughangulwa, ate omulwani okuba n'amaani kamaala ti n'ekimuleetera okughangula.

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Zabbuli 78:62

Yasungughalira abantu abo ababe ku bubwe, yaaleka abazigu baibwe baabaita.

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Amateeka Agokubiri 23:9

Musa yaakoba Abaisiraeli ati: “Bwe munaabanga nga muli mu kifo ghe musimbye weema dhaimwe nga muja okulwanisa abazigu baimwe, mwekuumenga mulobe kutuukibwaku kintu kibi kyonakyona.

Abalamuzi 20:20

Baata abalwani mu lunhiriri, okulingiriza Ababenjamini, agho mu Gibea.

Abalamuzi 20:22

Aye ekyo kyaloba kumala mu Baisiraeli maani. Baaguma baata kabiri abalwani mu lunhiriri, mu kifo gheene ghe baabata ku lunaku olwasooka.

Abalamuzi 20:25

N'Ababenjamini boona baava mu kibuga Gibea okubalwanisa omukuzi ogwokubiri. Ku mukuzi guno baita Abaisiraeli omutwalo mulala na kanaana (18,000), abalwani beene abaziramu ntete.