Abalamuzi 20:18 - Baibuli Ekibono kya Katonda 2014

¹⁸ Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”

Abalamuzi 20:18 ပူးပေါင်းရင်းမြစ်များ

Yoeli 1:14

Mulangirire ghabeegho okusiiba, mwete abantu beesoloze ghalala. Musoloze abakulembeze n'abantu boonaboona ab'omu Buyudaaya, baidhe mu isinzizo lya Musengwa Katonda waimwe, mumulirire amaziga, ababeere.

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Okubala 27:5

Agho Musa yaatwala ensonga yaibwe eyo eri Musengwa Katonda.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

Yoshua 9:14

Kale Abaisiraeli baaganha okulya ku mere eyo abasaadha abo ye baasiba, ng'akamanhiso ak'endagaano. Aye kino baakikola nga tibeebuuziizaaku ku Musengwa Katonda.

Abalamuzi 18:31

Kale baataagho ekifaananie ekibaadhe Mika kye yakola, kyasigalayo ekiseera kyonakyona endhu ya Katonda kye yabeeragho e Shilo.

Abalamuzi 19:18

Omulevi yaamwiramu ati: “Tuva Bethelehemu mu Buyudaaya, nga twirayo eka eghala mu kiketezo eky'oku nsozi eky'e Efuraimu. Aye ghazira muntu atwingiiza mu ndhu ye kutusuza.

Abalamuzi 20:17

Ebika eby'Abaisiraeli ebindi, ng'otoireku ekya Benjamini, byasoloza abalwani beene abaziramu ntete, emitwalo amakumi ana (400,000).

Abalamuzi 20:19

Kale ku lunaku olwairirira, Abaisiraeli baawuuna ku nkyo, baazingiza ekibuga Gibea okukyezunguluza.

Abalamuzi 20:23

Agho baaniinaniina okuja mu kifo ye basinziza, baalirira mu maiso ga Musengwa Katonda okutuusa eigulo. Baabuuza Musengwa Katonda bati: “Twiremu kabiri okulumba baganda baife Ababenjamini tubalwanise?” Musengwa Katonda yairamu ati: “Muje mubalwanise.”

Abalamuzi 20:7

Kale imwe Abaisiraeli mwenamwena, muteese mubone eky'okukola.”

1 Samueli 10:3

Agho oidha kuvaagho, weeyongereyo otuuke ku muti omukologho oguli e Tabori, y'onaayagaana abantu basatu nga bali kuja e Betheli okusinza Katonda. Omulala ku abo aidha kuba ng'ali kutwala embuzi entototo isatu, owundi ng'ali kutwala emigaati esatu, n'owundi ng'ali kutwala ensawo ey'omwenge gw'emizabbibu ey'oluwu.