Abalamuzi 20:13 - Baibuli Ekibono kya Katonda 2014

¹³ Kale ni mpegaano, mugheeyo abasaadha abadankaanu abali mu Gibea tubaite, tutoolegho ekibi kino mu Isiraeli.” Aye Ababenjamini baaloba kuwulirisa Baisiraeli banaibwe abo.

Abalamuzi 20:13 ပူးပေါင်းရင်းမြစ်များ

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

2 Samueli 23:6

Aye abantu abatatya Katonda boonaboona bali ng'oti mawa ge basuula obw'ere, kuba toghanga kugagema na ngalo.

1 Bakyabazinga 21:13

Abantu babiri abazira kye bagasa baidha baatyama mu maiso ge, era baamulumiriza mu maiso g'abantu nga bakoba bati: “Nabothi yavuma Katonda era yaavuma ni kyabazinga.” Kale abantu baamutwala kuliya kw'ekibuga, baamukuba amabaale, yaafa.

2 Ebyomubyanda 13:7

Abantu abazira kye bagasa baidha beeyimba naye, baanhooma Rehoboamu mutabane wa Solomoni era baamweyawulaku, alobe kuba kyabazinga waibwe. Rehoboamu oyo yali akaali muto, ng'azira bumanhirivu obumusobozesa okubalobera okukola ekyo.

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

2 Ebyomubyanda 25:20

Aye Amazia yaaloba okuwulirisa, kuba Katonda yayenda okubaghaayo baghangulwe abazigu baibwe, olw'okusinza emisambwa egya Abaedomu.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Omulangirizi 11:10

Weewonienga ebyo ebikweraliikiriza mu mwoyo, n'ebyo ebikuleetera okulumizibwa mu mubiri, kuba okuba omuto n'okuba omwisuka, byombi biziramu muganhulo.

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Hosea 9:9

Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

Ab'e Roma 1:32

Waire nga baidhi nga eiteeka lya Katonda likoba liti abo abakola ebyo bagwaniire kufa, aye babikola. Ate tibakoma ku kubikola, kyonka aye basiima n'abo ababikola.

1 Ab'e Korintho 5:13

Katonda alisalira abo abataikiriza omusango ng'ebyaghandiikibwa bwe bikoba biti: “Mubinge omuntu omubi abaveemu.”

2 Ab'e Korintho 6:15

Kurisito aisania atya ni Beliali? Oba omwikiriza aisania atya n'atali mwikiriza?

Amateeka Agokubiri 13:13

ghaligho abantu ab'eighanga lyaimwe abadankaanu, abamaze okusendasenda abatyamye b'omu kibuga kyaibwe okusinza bakatonda be mutasinzangaku.

Amateeka Agokubiri 13:5

Aye omulanzi oyo oba omuvuunuzi w'ebirooto oyo, aitibwenga, kuba abakoba kudheemera Musengwa Katonda waimwe, eyabatoola mu Misiri, ye mwakolanga obwiru. Omuntu ng'oti n'oyo aba ali kubadaaliimya okubatoola ku mpisa, Musengwa Katonda waimwe dhe yabalagira okugemanga, ky'anaavanga n'aitibwa, ni mwetoolaku ekibi ekyo.

Amateeka Agokubiri 13:6

“Ni bw'aba muganda wo mwene, oba mutabane wo, oba mughala wo, oba mukazi wo y'oyenda einho, oba mukagwa wo einho, yeena asobola okukusendasenda mu kyama ng'akukoba muje naye musinze bakatonda iwe ni badhaadha bo be mutasinzangaku.

Amateeka Agokubiri 17:12

Omuntu yeenayeena aneekuluntazanga, n'atawulira mulamuzi oba kabona ali eyo mu luwalo olw'okugheereza mu maiso ga Musengwa Katonda, aidha kwitibwanga bwitibwe mu nsambo eyo mwidha kwetoolangaku ekibi ekyo mu Isiraeli.

Amateeka Agokubiri 17:7

Abadhulizi n'abanaasookanga okumukuba okutoolereza okumwita, memale abantu abandi boonaboona baamukuba mu nsambo eyo, mwidha kwetoolangaku ekibi ekyo.

Amateeka Agokubiri 19:19

munaamughanga ekibonerezo ky'abaire ayendeza mwine. Mu nsambo eyo mwidha kwetoolangaku ekibi ekyo.

Amateeka Agokubiri 21:21

Agho abasaadha boonaboona ab'omu kibuga ekyo, baidha kumukubanga amabaale bamwite. Mu nsambo eyo munaabanga nga mwetoiremu ekibi ekyo. Agho Abaisiraeli boonaboona bwe banaawuliranga ekibairegho, baidha kutyanga.”

Amateeka Agokubiri 22:21

baidha kufulumyanga omughala oyo ku mulyango gw'endhu ya ise, abasaadha ab'omu kibuga ky'ewaibwe bamukube amabaale bamwite; kuba yakola eky'ensoni mu Isiraeli, yaaba n'omusaadha ate ng'akaali mu ndhu ya ise. Mutyo bwe muneetoolangaku ekibi ekyo.

Amateeka Agokubiri 22:24

Ekyo bwe kinaabangagho, bombi mwidha kubafulumyanga, ku luya kw'omulyango gw'ekibuga ekyo, mubakube amabaale bafe. Omughala aidha kwitibwanga olw'obutakuba nduulu ate nga yali mu kibuga. N'omusaadha aidha kwitibwanga olw'okuba yakaka muka beene yaaba naye. Mu nsambo eyo munaabanga nga mwetoireku ekibi ekyo.

Amateeka Agokubiri 24:7

“Omuntu bw'anaawuuyanga Muisiraeli mwine n'amufuula omwiru we oba n'amutunda, aidha kwitibwanga bwitibwe, olwo musobole okwetoolaku ekibi ekyo.

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

Abalamuzi 20:12

Agho ab'ekika kya Isiraeli baatuma abakwenda mu kiketezo kya Benjamini kyonakyona okubakoba bati: “Kiive ki kino kye mwakola?

Abalamuzi 20:14

Baava mu bibuga bya Benjamini byonabyona, beesololeza mu Gibea okulwanisa Baisiraeli banaibwe.

1 Samueli 2:25

Omuntu bw'asobya ye muntu mwine, Katonda amutabagania n'omuntu oyo, aye omuntu bw'asobya ye Musengwa Katonda, naani asobola okumuwolereza?” Aye tibaawulirisa iseibwe bye yabakoba kuba Musengwa Katonda yali amaze okusalagho okubaita.

1 Samueli 30:22

Agho abasaadha ababi era abazira kye bagasa, abaali mu abo abaaja ni Daudi, baakoba bati: “Abo abataajiire n'ife ghazira kye twidha kubagha ku munhago gwe tuleese, okutoolaku okubaganha batwale bakazi baibwe n'abaana baibwe, memale bagolole.”