Abalamuzi 20:10 - Baibuli Ekibono kya Katonda 2014

¹⁰ Abasaadha ikumi ku buli kikumi mu bika bya Isiraeli baidha kuleetera abalwani emere, abandi boonaboona baje beesasuulize ku Gibea ekya Benjamini, olw'ekikolwa ekyo eky'obudankaanu kye baakola mu Isiraeli.”

Abalamuzi 20:10 ပူးပေါင်းရင်းမြစ်များ

Abalevi 18:24

“Mutakolanga ekindi ku bintu ebyo waire ekirala kiti, kuba kibafuula abatali balongoofu. Ebyo byonabyona n'ebyafuula abantu abamaghanga agandi agatantya okuba abatali balongoofu, ge ndi kubinga mu nsi eno okuleetamu imwe.

Amateeka Agokubiri 22:21

baidha kufulumyanga omughala oyo ku mulyango gw'endhu ya ise, abasaadha ab'omu kibuga ky'ewaibwe bamukube amabaale bamwite; kuba yakola eky'ensoni mu Isiraeli, yaaba n'omusaadha ate ng'akaali mu ndhu ya ise. Mutyo bwe muneetoolangaku ekibi ekyo.

Yoshua 7:15

Ndidha kwoleka omuntu ali n'ebintu ebyo ebyali biri n'okuzikirizibwa. Omuntu oyo mwidha kumwokya n'ab'omu maka ge boonaboona, na kiisi kintu kyayeta ati kikye, kuba yakola bubi inho okudheemera ekiragiro kyange era n'okuswaza Isiraeli obwaga agho.”

Abalamuzi 20:11

Kale abasaadha boonaboona ab'omu Isiraeli beesoloza nga bali kitole, okulumba ekibuga ekyo.

Abalamuzi 20:6

Naatwala omulambo gwe, naagusalasalamu ebitundu, naagheereza mu biketezo byonabyona ebyagheebwa Isiraeli ng'omugabo kuba baakola ekyenhinhalwa era eky'obudankaanu mu Isiraeli.

Abalamuzi 20:9

Aye kino kye twidha okukola Gibea: twidha kukuba akalulu, memale tuje tukirwanise.

Abalamuzi 21:1

Abaisiraeli bwe baali e Mizipa, baalayira bati: “Ghazira muntu waire omulala mu ife, aligha wa mu kika kya Benjamini mughala we okumubayiza.”