Abalamuzi 20:1 - Baibuli Ekibono kya Katonda 2014

¹ Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.

Abalamuzi 20:1 ပူးပေါင်းရင်းမြစ်များ

2 Samueli 19:14

Mu nsambo eyo Daudi yaikirizisa ab'ekika kya Yuda boonaboona, baafuuka muntu mulala. Kale baamugheereza obukwenda obukoba buti: “Ira, ghalala n'abagheereza bo boonaboona.”

2 Samueli 2:9

Abuneri yaafuulira eyo Ishiboshethi oyo okuba kyabazinga wa Gileadi, n'ow'Abashuri, n'owa Yezireeli n'owa Efuraimu, n'owa Benjamini, era owa Isiraeli yoonayoona.

2 Samueli 24:2

Kale Kyabazinga Daudi yaalagira Yoabu n'abaduumizi abandi ab'eigye be yali nabo ati: “Muje mubitebite mu bika byonabyona ebya Isiraeli okuva e Dani okutuuka e Beerisheba, mubale abantu mmanhe omughendo gwaibwe.”

2 Samueli 3:10

ati alitoola obwakyabazinga ku b'endhu ya Saulo, yaataagho Daudi abe kyabazinga wa Isiraeli ni Buyudaaya, okuva ku Dani okutuuka e Beerisheba.”

1 Bakyabazinga 5:5

Kale kye nviire ni nsalagho okuzimbira Musengwa Katonda wange eisinzizo, nga Musengwa Katonda oyo bwe yakoba lata wange Daudi ati, ‘Mutabane wo, ye ndita ku kityamo eky'obwakyabazinga okukusikira, n'alinzimbira eisinzizo.’

2 Bakyabazinga 25:23

Ghaaligho abakulu mu magye ga Buyudaaya n'abaisirukale baibwe abaali mu irungu, nga bakaali kweghaayo. Bwe baawulira nga kyabazinga w'e Babilonia aghaire Gedalia obufuzi, baidha eri Gedalia oyo e Mizipa. Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi ow'e Netofa, ni Yaazania mutabane w'omusaadha ow'e Maaka.

1 Ebyomubyanda 21:2

Kale Kyabazinga Daudi yaalagira Yoabu n'abaduumizi abandi ab'eigye, be yali nabo ati: “Muje mu Isiraeli mwonamwona, okuva e Dani okutuuka e Beerisheba, mubale abantu mmanhe omughendo gwaibwe.”

2 Ebyomubyanda 30:5

Kale baalagira kirangirirwe mu Isiraeli yoonayoona, okuva e Beerisheba okutuuka e Dani, nti abantu baidhe e Yerusalemu bakolere Musengwa Katonda, Katonda wa Isiraeli Ekibinuko eky'Okwidhukiriraku Okubitizibwa kuba baali tibakikolangaku nga bali kamaala nga bwe kiragirwa.

Ezera 3:1

Mu mwezi ogwomusanvu ng'Abaisiraeli boonaboona bamaze okuja mu bibuga byaibwe era nga batyaime batereire, beesololeza e Yerusalemu boonaboona nga bali kitole.

Nehemia 11:27

ni Hazarishualo, ni Beerisheba, ni mu byalo ebibyezungulwire.

Nehemia 8:1

Agho Abaisiraeli boonaboona nga bali kitole, beesololeza mu luya emberi gh'ogwetebwa Omulyango ogw'Amaadhi. Baakoba Ezera omunamateeka aleete Ekitabo ky'Amateeka, Musengwa Katonda ge yagha Isiraeli ng'abita mu Musa.

Yeremia 40:6

Naaja ye Gedalia e Mizipa, naabanga eyo ghalala naye mu bantu be bataatwala Babilonia mu bunhage.

Okubala 32:1

Ab'ekika kya Reubeni n'ab'ekya Gadi baali n'ebyayo kamaala inho. Agho baabona ekiketezo eky'e Yazeri n'eky'e Gileadi nga birungi bya kwayiramu.

Okubala 32:40

Era Musa yaakibagha baatyama omwo.

Yoshua 15:38

Dileani, Mizipa, Yokitheeli,

Yoshua 17:1

Abandi ku baidhukulu ba Yosefu nga bava mu mutabane we omukulu Manasse, baagheebwa ekiketezo e bugwandhuba ew'omwiga Yorudani kibe obutaka bwaibwe. Makiri, lata wa Gileadi, n'eyali mutabane wa Manasse omukulu era yaaba omulwani omumanhifu einho. Kyeyava n'agheebwa Gileadi ni Bashani ebiri e buvandhuba wa Yorudani.

Yoshua 18:26

Mizipa, Kefira, Moza,

Yoshua 22:12

Abaisiraeli abo abandi bwe baakiwulira, boonaboona beesololeza e Shilo nga benda baje balwane n'ebika ebyo eby'e buvandhuba.

Yoshua 22:9

Kale batyo Abareubeni, n'Abagadi, n'ekitundu ku Bamanasse, baaleka ebika ebindi nga bikaali e Shilo mu Kanaani, bairayo ewaibwe e Gileadi mu kiketezo kye baafuna beene ng'obutaka bwaibwe, nga Musengwa Katonda bwe yalagira ng'abita mu Musa.

Yoshua 4:13

Bano baali baghera emitwalo ng'ena (40,000), nga beetegekeire bukalamu olutalo. Agho baasala omwiga nga Musengwa Katonda ali nabo, bangira ekiketezo ky'e Yeriko eky'omuseetwe.

Abalamuzi 10:17

Agho Abammoni beetegeka okulwana, baasimba weema dhaibwe mu Gileadi. N'Abaisiraeli beesoloza, baasimba weema dhaibwe e Mizipa mu Gileadi.

Abalamuzi 11:11

Agho Yefutha yaaja n'abakulembeze b'e Gileadi, abantu baamufuula mufuzi era mukulembeze waibwe. Yefutha yaayogera ebibono bye byonabyona mu maiso ga Musengwa Katonda e Mizipa.

Abalamuzi 11:34

Yefutha bwe yairayo eka mu Mizipa, yaja okulinga ati ng'abona mughala we ali kwidha okumusangaaza ng'akina era ng'akuba obugoma n'ensaasi. Oyo yali nga n'omwana wa Yefutha yenka ati. Yali azirayo mwana wundi k'abe wa bulenzi oba wa bughala, okutoolaku oyo yenka.

Abalamuzi 18:29

Eriina ery'ekibuga ekyo eryali Laishi baalikyusa, baakituuma Dani erya dhaadha waibwe eyali mutabane wa Yakobo.

Abalamuzi 20:11

Kale abasaadha boonaboona ab'omu Isiraeli beesoloza nga bali kitole, okulumba ekibuga ekyo.

Abalamuzi 20:18

Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”

Abalamuzi 20:2

Abakulembeze b'ebika bya Isiraeli byonabyona baaligho mu lwekobaano lw'abantu ba Katonda, abalwani emitwalo amakumi ana (400,000) ab'oku bigere.

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

Abalamuzi 20:8

Abantu boonaboona baasituka nga bali kitole, baakoba bati: “Ghazira waire omulala ku ife anairayo mu weema oba mu ndhu ye.

Abalamuzi 21:5

Baabuuza bati: “Ni baani ku b'omu bika bya Isiraeli, abataaja mu lwekobaano ng'abantu beesoloiza mu maiso ga Musengwa Katonda e Mizipa?” Baabuuza ekyo, kuba baali nga beerayiriire inho, ku muntu yeenayeena aloba okuniinaniina okuja e Mizipa, nga bakoba bati: “Wa kwitibwa.”

1 Samueli 10:17

Samueli yaayeta abantu, beesololeza e Mizipa okusinza Musengwa Katonda.

1 Samueli 3:20

Agho Abaisiraeli boonaboona, okuva e Dani okutuuka e Beerisheba, baamanha bati Samueli akakasiibwa okuba omulanzi wa Musengwa Katonda.