Abalamuzi 2:5 - Baibuli Ekibono kya Katonda 2014

⁵ Ekifo ekyo baakituuma eriina Bokimu, era baaghaayo emisengo ye Musengwa Katonda nga bali eyo.

Abalamuzi 2:5 ပူးပေါင်းရင်းမြစ်များ

Amainhama 35:8

Debora omulezi wa Rebekka yaafa, baamuziika ghansi gh'omuti omukologho, kumpi n'e Betheli. Omuti ogwo baagutuuma eriina: “Omuti ogw'okulira amaziga.”

Yoshua 7:26

Bwe baamala, baamubungaku emungo ey'amabaale enkologho ekaaliyo ni ye buli eno. Era ekifo ekyo kyekiva kyetebwa Ekiiko eky'Ebizibu. Olwo Musengwa Katonda yaalekera agho okusungughala.

Abalamuzi 13:19

Agho Manoa yaagema embuzi entototo, n'ekigheebwayo eky'emere ey'empeke, yaabigheerayo agho ku lubaale, ye Musengwa Katonda akola ebyewuninkiriza.

Abalamuzi 2:1

Agho malaika wa Musengwa Katonda yaava e Giligali, yaaja e Bokimu. Yaakoba Abaisiraeli ati: “Nabatoola mu nsi Misiri, naabaleeta mu nsi ye nasuubiza badhaadha baimwe. Naakoba nti, ‘Tirimenhagho ndagaano ye nakola n'imwe.

Abalamuzi 2:4

Malaika wa Musengwa Katonda bwe yamala okwogera ebyo, Abaisiraeli boonaboona baalira amaziga.

Abalamuzi 2:6

Agho Yoshua bwe yamala okusiibula Abaisiraeli, Abaisiraeli abo baaja, buli muntu okutwala ekiketezo kye yagabana.

Abalamuzi 6:24

Gideoni yaazimbira Musengwa Katonda alutaari mu kifo ekyo, yaagituuma eriina: “Musengwa Katonda oyo n'emiraala.” N'okutuusa mpegaano alutaari eyo ekaali mu Ofura ekya Ababiezeri.

1 Samueli 7:9

Kale Samueli yaatoola entaama ekaayonka yaagiita, yaagighaayo eri Musengwa Katonda ng'ekigheebwayo ekyokebwa kyonakyona ni kiwaagho. Samueli oyo yaalirira Musengwa Katonda ku lwa Isiraeli, era Musengwa Katonda yaamwiramu.