Abalamuzi 2:21 - Baibuli Ekibono kya Katonda 2014

²¹ Kale okuva n'olwaleero, bwe banaabanga nga bali kumpi okutuuka mu nsi eyo, tiidhanga kubingamu bamaghanga abaabangayo mu kiseera Yoshua ghe yafiira.

Abalamuzi 2:21 ပူးပေါင်းရင်းမြစ်များ

Ezekieli 20:24

Neerayirira ntyo lwa kuba baava ku biragiro byange era baaloba kujiira ku mateeka gange. Baayonoona n'olunaku lwange olwa Sabbato, era baasinzanga ebitali nze Katonda ebya badhaadha baibwe.

Yoshua 23:13

olwo mumanhanga nga Musengwa Katonda waimwe aliba takaabingagho maghanga ago mu buli kiketezo ghe munaatuukanga. Amaghanga ago gaja kubafuukira ekizibu ng'oti lutuula oba olwina oluleeyi. Era ng'obulumi bwe gabaleetera buli ng'oti bwa muntu ye bakubye enkoba mu mugongo, oba ali n'eiwa mu liiso, okutuusa lwe mulizikirira ni muva ku nsi eno enungi, Musengwa Katonda waimwe ye yabagha.

Yoshua 23:4

Ekiketezo kyonakyona okuva e buvandhuba ew'omwiga Yorudani okwira e bugwandhuba okutuuka ku Nhandha Eyaghagati, namala okukibagabaniamu mu bika byaimwe. Omwo nga n'omuli ebiketezo bye twamala okunhaga ku maghanga, era n'ebyo bye tubaire tukaali okunhaga.

Yoshua 23:5

Musengwa Katonda waimwe aja kubingangagho abantu mu buli biketezo ghe munaatuukanga, era aja kubairirizangayo einhuma, imwe mutwale ekiketezo kyaibwe. Kuba atyo bwe yabasuubiza.

Abalamuzi 1:1

Agho Yoshua ng'amaze okufa, Abaisiraeli baabuuza Musengwa Katonda bati: “Kika ki ekibe kisooke okuja okulumba Abakanaani okubalwanisa?”

Abalamuzi 2:3

Kale mpegaano ndi kubakoba nti tiidha kubingangagho bantu abo nga muli kumpi okutuukagho. Baidha kubanga bazigu baimwe, era mwidha kukemebwanga okusinza emisambwa gyaibwe.”

Abalamuzi 3:1

Kale Musengwa Katonda yaaleka amaghanga agandi gaasigala mu nsi eyo, okuleba Abaisiraeli abataabona ku ntalo edhaali e Kanaani.

Abalamuzi 3:3

Abantu abaalekebwa mu nsi eyo ni bano: abantu ab'omu bibuga eby'Abafilisiti ebitaanu n'abafuzi baibwe, n'Abakanaani boonaboona, n'Abasidoni, n'Abahivi abatyamye b'omu nsozi dh'omu Lebanoni, okuva ku lusozi Baali Herimoni okutuuka gh'oingirira e Hamathi.