Abalamuzi 2:19 - Baibuli Ekibono kya Katonda 2014

¹⁹ Aye buli mukulembeze bwe yafanga, abantu bairangayo mu mize gyaibwe egy'eira, baabanga babi n'okusinga badhaadha baibwe. Baagheerezanga emisambwa era baagikubiranga amakiryaivu okugisinza, era baalobanga kulekayo mpisa dhaibwe embi naire endala.

Abalamuzi 2:19 ပူးပေါင်းရင်းမြစ်များ

Amainhama 6:11

Aye, abantu abandi boonaboona baali babi mu maiso ga Katonda, era ng'ebikolwa eby'obukambwe bibunie ensi yoonayoona.

Nehemia 9:28

Bwe baafunangamu emiraala, nga kabiri bairamu okwonoona. Era waabalekuliranga agho, abazigu baibwe baabafuganga. Ate bwe baakyukanga ni bakulirira, waabawuliranga ng'oli mu igulu. Emikuzi kamaala waabanunulanga olw'okusaasira kwo okutaloodheka.

Zabbuli 78:8

Balobe kuba ng'oti ni badhaadha baibwe, ab'oluse olw'empwitu era oludheemu oluse olw'abantu ab'emyoyo egitaagumira ku Katonda era abaalekera agho okumwikiriza.

Okuvaayo 32:7

Agho Musengwa Katonda yaakoba Musa ati: “Irayo ghansi gh'olusozi era tezaaku, kuba abantu bo be watoola mu Misiri boonooneike beekola ebiswaza.

Yeremia 16:12

Aye imwe mukoze bubi n'okusinga badhaadha baimwe abo. Buli muntu ku imwe akola ebyo omwoyo gwe omukalangufu era omubi bye gwenda, yaaloba okumpulira.

Yeremia 23:17

Buli kaakyeire bakobera abantu abaloba okuwulirisa nze Musengwa Katonda bye nkoba, bati, Mwidha kubanga mu miraala.’ Era baakobera buli muntu akola ebyo omwoyo gwe omukalangufu bye gwenda, bati, ‘Ezira kabi kaidha kukutuukaku naire.’ ”

Yeremia 3:17

Mu kiseera ekyo Yerusalemu kiriba kyetebwa ekityamo eky'obwakyabazinga ekya Musengwa Katonda. Abantu abamaghanga goonagoona balyesololeza eyo okunsinza nze Musengwa Katonda, nga tibakairayo kukola ebyo emyoyo gyaibwe emikalangufu era emibi bye gyenda.

Ezekieli 20:30

Agho ni, kobera abantu ab'eighanga Isiraeli oti nze Musengwa Katonda ndi kubabuuza ati: Mwena muli kwenda kweyonoona ng'oti ni badhaadha baimwe, nga musinza ebitali nze Katonda ebyenhinhalwa bye baasinzanga?

Matayo 23:32

Kale ni mumalirize badhaadha baimwe kye batoolera.

Amateeka Agokubiri 31:29

Kuba ndidhi nti bwe ndimala okufa balifuukira irala ababi, baaloba kukola bye mbalagiire. Era ye bwidha, ebizibu biribaidhira, olw'okuleetera Musengwa Katonda okusungughala nga bakola by'atayenda.”

Yoshua 24:31

Abaisiraeli baagheerezanga Musengwa Katonda ekiseera kyonakyona Yoshua kye yamala ng'ali kubakulembera, era n'ekiseera ekyairirira kye baamala nga bakulemberwa abakulu ab'ebikunsu Yoshua be yalekagho. Abakulu abo n'abaamanha ebyo byonabyona Musengwa Katonda bye yakolera Isiraeli.

Abalamuzi 10:13

Aye mwanvaaku mwasinza bakatonda abandi. Kale, tija kwirayo kubanunula.

Abalamuzi 2:18

Musengwa Katonda bwe yateerangagho Abaisiraeli omukulembeze, Musengwa Katonda oyo ng'aba ghalala n'omukulembeze oyo, era yaawonianga abantu abazigu baibwe, ekiseera kyonakyona omukulembeze oyo kye yamalanga ng'akaali mulamu. Musengwa Katonda yabagemerwanga ekivunika, kuba baasindanga olw'abo abaabadaazadaazanga ni babatuntuza.

Abalamuzi 2:20

Agho obusungu bwa Musengwa Katonda bwatumbukira ku Baisiraeli ng'oti muliro, yaakoba ati: “Abantu ab'eighanga lino bamenhie endagaano ye nalagira badhaadha baibwe okukuumanga, era tibakampulira naire.

Abalamuzi 2:7

Abaisiraeli baagheerezanga Musengwa Katonda ekiseera kyonakyona Yoshua kye yamala ng'ali kubakulembera, era n'ekiseera ekyairirira kye baamala nga bakulemberwa abakulu b'ebikunsu Yoshua be yalekagho. Abakulu abo n'abaabona ebyo byonabyona Musengwa Katonda bye yakolera Isiraeli.

Abalamuzi 4:1

Ehudi bwe yamala okufa, Abaisiraeli bairamu kabiri okwonoona ye Musengwa Katonda.

Abalamuzi 8:33

Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.

1 Samueli 15:23

Obudheemu kuba kukola kibi ng'oti n'okweraguza bwe kuba, n'okwekuluntaza kuba kukola kibi ng'oti n'okusinza ebitali Katonda bwe kuba. Nga bwe waloba okukola Musengwa Katonda kye yakulagira, Musengwa Katonda yeena alobye okukuleka ku bwakyabazinga.”