Abalamuzi 2:17 - Baibuli Ekibono kya Katonda 2014

¹⁷ Aye Abaisiraeli baaloba kuwulirisa bakulembeze baibwe. Baaloba kuba beesigwa ye Musengwa Katonda, baasinza emisambwa. Waire nga badhaadha baibwe baawuliranga ebiragiro bya Musengwa Katonda, bano tibaakola batyo naire.

Abalamuzi 2:17 ပူးပေါင်းရင်းမြစ်များ

Zabbuli 106:39

Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Zabbuli 106:43

Emikuzi kamaala nga Musengwa Katonda abatoola mu bizibu, aye baamala baasalagho okumudheemera. Kale beeyongera okuba ababi olw'ebibi byaibwe.

Zabbuli 73:27

Abo abakuvaaku baja kuzikirira, oja kumalagho abo abadaaliima.

Okuvaayo 32:8

Amangu gano baviire ku biragiro bye nabagha. Baasaanuusiiza zaabu, beekolera ekifaananie eky'ente ento enume era baakisinza, baakigha omusengo nga bakoba mbu, ‘Isiraeli, ono ni katonda wo eyakutoola mu Misiri!’

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Yeremia 6:16

Musengwa Katonda yaakoba abantu be ati: “Mwemerere mu maagaanana g'engira, mulinge eno n'ere, mubuuze babooleke aghali obugira obw'eira, n'aghali engira enungi. Mutambulire omwo, olwo mufune emiraala.” Aye beene baakoba bati: “Busa, titwidha kutambulira omwo.”

Hosea 2:2

Baana bange, mukobe ku inhaimwe, waire nga takaali mukazi wange, era nga zeena tikaali iba. Mumukobeku alekere okukola obwenzi n'obwamalaaya.

Abalevi 17:7

Kale Abaisiraeli tibaidha kwongeranga kuba batali beesigwa eri Musengwa Katonda, nga baghaayo emisengo gyaibwe eri emisambwa egiri ng'oti mbuzi. Eiteeka eryo banaalikuumanga enaku dhoonadhoona.’

Amosi 2:4

Musengwa Katonda akoba ati: “Abantu ab'e Buyudaaya bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baanhooma amateeka gange, n'ebiragiro byange baaloba kubigema. Baatwalirizibwa emisambwa badhaadha baibwe gye baasinzanga.

Ab'e Galatia 1:6

Mbeewuunhiiza, mu kaseera akatono kati muli kuva ku oyo eyabeeta mu kisa kya Kurisito, mwakyukira ku kintu ekindi kye muli kweta amawulire amalungi!

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

Amateeka Agokubiri 31:18

Bwenebwene ndibeegisaaku olw'ebibi bye bakoze nga bakyuka okusinza emisambwa.

Amateeka Agokubiri 9:12

“Agho Musengwa Katonda yankoba ati, ‘Situka oserengete mangu, kuba abantu be watoola e Misiri boonooneike baakola ekibi. Bakyuse amangu ago, baava ku bye nabalagira okujiirangaku, beekolera ekifaananie mu kyuma ekisaanuusiibwa.’

Amateeka Agokubiri 9:16

Naja okulinga nti, nga mbona mwamaze ira okukyuka, mwava amangu ago ku ebyo Musengwa Katonda bye yabalagira okujiirangaku. Mwakola ekibi y'ali, mwekolera ekifaananie eky'ente ento enume mu kyuma ekisaanuusiibwa.

Yoshua 24:24

Abantu baakoba Yoshua bati: “Twidha kugheerezanga Musengwa Katonda waife, era twidha kugonderanga ebiragiro bye.”

Yoshua 24:31

Abaisiraeli baagheerezanga Musengwa Katonda ekiseera kyonakyona Yoshua kye yamala ng'ali kubakulembera, era n'ekiseera ekyairirira kye baamala nga bakulemberwa abakulu ab'ebikunsu Yoshua be yalekagho. Abakulu abo n'abaamanha ebyo byonabyona Musengwa Katonda bye yakolera Isiraeli.

Abalamuzi 2:7

Abaisiraeli baagheerezanga Musengwa Katonda ekiseera kyonakyona Yoshua kye yamala ng'ali kubakulembera, era n'ekiseera ekyairirira kye baamala nga bakulemberwa abakulu b'ebikunsu Yoshua be yalekagho. Abakulu abo n'abaabona ebyo byonabyona Musengwa Katonda bye yakolera Isiraeli.

Abalamuzi 8:33

Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.

1 Samueli 12:12

Aye bwe mwabona nga kyabazinga Nahashi ow'Abammoni ali kwidha okubalumba, mwaloba Musengwa Katonda waimwe okuba kyabazinga waimwe. Mwankoba muti, ‘Twenda kyabazinga n'abe atufugenga.’

1 Samueli 12:17

Ekiseera kino kya makungula ga ngaano. Aye nja kweghemba Musengwa Katonda aleetegho okutyabuka kw'olukuba era agwise n'amaadhi, memale mumanhe ng'ekibi kyaimwe kye mwakola ye Musengwa Katonda kinene, eky'okumusaba kyabazinga.”

1 Samueli 12:19

Baakoba Samueli bati: “Tusabire eri Musengwa Katonda wo, ife abagheereza bo tulobe kufa, kuba ku bibi byaife byonabyona bye tuli nabyo, kabiri twongeireku ni kino eky'okwesabira kyabazinga.”